ក្រោយពេលរដ្ឋក្នុងភូមិឃ្លាំមើលឃើញប្រុសស្រី២នាក់នេះ តែងលបជួបគ្នាជារឿយៗ ក៏ចាប់ទាញពួកគេយកទៅស្រោចទឹកលូឲ្យ… ជ្រះចង្រៃក្នុងភូមិ ។
ហ្វូងមនុស្សនាំគ្នាដងទឹកស្អុយមកចាក់ពីលើក្បាល។
សាក្សីទាំងឡាយឲ្យដឹងថា ប្រុសស្រី២នាក់នេះ រងការដាក់ទារុណកម្ម ព្រោះពួកគេមានទំនាក់ទំនងផ្លូវភេទដោយមិនរៀបការ ហើយនេះជាទោសធ្ងន់ធ្ងរ តាមច្បាប់ Sharia ប្រចាំតំបន់ ។
ក្រោយពេលទទឹកជោគដោយទឹក “ខោអាវ” បុរសដែលគេឲ្យដោះអាវចេញរូបនេះ បានចេតនាចាកចេញទៅ តែត្រូវគេអូសត្រឡប់មកវិញ ខណៈពេលដែលស្ត្រីរូបនោះនៅគ្របកន្សែងជិតក្បាលនៅអង្គុយស្ងៀម ក្បែរ “គូស្នេហ៍” ។
អ្នកនាំពាក្យរបស់ស្ថាប័នអ៊ីស្លាម Sharia Ibrahim latif ប្រាប់អ្នកកាសែតក្នុងតំបន់ថា ៖ “ពលរដ្ឋបានឃើញបុរសនេះតែងលបមកផ្ទះនាងនោះជាប្រចាំ ។ ក្រោយការតាមដាន១រយៈពេលវែងមក ប្រហែលជាអ្នកភូមិចាប់ផ្តើមផ្ទុះកំហឹង ចំពោះទង្វើអសីលធម៌ ហើយក៏កាន់តែខឹងពេលដែលអ្នកទាំង២ ពុំព្រមឆ្លើយត្រង់នឹងសំណួរពេលគេចោទសួរ” ។
បុរសរូបនេះត្រូវទាញដៃមក… ស្រោចទឹកលូបន្ថែម ។
បុរសរូបនេះ បានបង្ហាញលិខិត បញ្ជាក់រៀបការ Sikah Siri ពោលគឺអ្នកទាំង២ បានរៀបការលើផ្នែកសាសនា តែពុំទាន់ចុះអេតាស៊ីវិល តាមច្បាប់របស់រដ្ឋអំណាច ។
យ៉ាងនេះក្តីហើយពួកគេមន្ទិលសង្ស័យលើភាពពិតនៃលិខិតបញ្ជាក់នេះក៏សម្រេចដាក់ទណ្ឌកម្ម តែម្តងទៅ ។
ឥឡូវពួកគេកំពុងត្រូវបានប៉ូលិសឃាត់ខ្លួន រងចាំការស៊ើបបញ្ជាក់លិខិតខាងលើ ។ ប្រសិនបើក្លែងក្លាយនោះ ពួកគេប្រឈមនឹងទណ្ឌកម្មដោយរំពាត់ ៕ លីសា
