ភ្នំពេញ ៖ ក្រសួងសុខាភិបាលនៃព្រះរាជាណាចក្រកម្ពុជា បានចេញសេចក្តីជូនដំណឹង ដល់សាធារណជនមិនឲ្យប្រើប្រាស់ឱសថបំប៉នផ្លូវភេទបុរស ឈ្មោះ VIMAX ដោយផលិតផលនេះ គ្មានចុះបញ្ជិកា និងគ្មានការត្រួតពិនិត្យពីក្រសួងសុខាភិបាល ឡើយ។ ការប្រើប្រាស់ផលិតផលនេះ អាចបណ្តាលឲ្យប៉ះពាល់សុខភាព ឬមានគ្រោះថ្នាក់ដល់អាយុជីវិត (ស្លាប់ដោយសារការគាំងបេះដូង)។
ក្រសួងសុខាភិបាល តម្រូវឲ្យម្ចាស់គណនីហ្វេសប៊ុកទាំងអស់ ដែលផ្សព្វផ្សាយផលិតផលនេះ ត្រូវបញ្ឈប់ការនាំចូល ផ្សព្វផ្សាយ លក់ឬចែកចាយឱសថបំប៉នផ្លូវភេទបុរសឈ្មោះ VIMAX ខុសច្បាប់នេះជាបន្ទាន់។ ក្រសួងសុខាភិបាល នឹងមានវិធានការតឹងរ៉ឹងទៅតាមផ្លូវច្បាប់ ចំពោះម្ចាស់គណនីហ្វេសប៊ុនណា ឬជនណា ស្របច្បាប់ស្តីពីច្បាប់វិសោធនកម្មច្បាប់ ស្តីពីការគ្រប់គ្រងឱសថ៕ ដោយ ៖ បញ្ញាស័ក្តិ