បុរសម្នាក់ឈ្មោះ Guillermo Perez អាយុ ៣២ ឆ្នាំ ត្រូវបានតាមចាប់ខ្លួនដោយមន្ត្រី ៣ នាក់ នៅក្នុងទីក្រុង Los Angeles កាលពីថ្ងៃទី១៦ ខែមិថុនា បន្ទាប់ពីសាក្សីជាច្រើន បានរាយការណ៍ថា បុរសនេះបានចាក់អតីតមិត្តស្រីរបស់គាត់ នៅក្បែរវិហារមួយនៅក្នុងតំបន់ Van Nuys ។
នៅពេលមន្ត្រីមកដល់កន្លែងកើតហេតុ Perez នៅតែកំពុងកាន់កាំបិតប្រឡាក់ទៅដោយឈាម និងកៅអីដែកមួយ ប៉ុន្តែ បដិសេធទម្លាប់វាចុះទេ បើទោះបីជាមន្ត្រីបានធ្វើការព្រមានច្រើនដងក៏ដោយ ។
វីដេអូឃ្លីបដ៏រន្ធត់បានបង្ហាញឲ្យឃើញមន្ត្រីបានព្យាយាមដកហូតអាវុធពី Perez តាមរយៈការបាញ់ «ទម្លាក់កាំបិត» និងបាញ់ beenbag ដែលពុំបង្កឲ្យស្លាប់ ប៉ុន្តែ Perez បានឆក់ឱកាសចាប់ស្ត្រីម្នាក់ធ្វើជាចំណាប់ខ្មាំង និងយកកាំបិតភ្ជង់ករបស់នាង ។
មន្ត្រី៣នាក់បានបាញ់ដាក់គាត់ ប៉ុន្តែ បានសម្លាប់ទាំង Perez និងស្ត្រីជាចំណាប់ខ្មាំងរបស់គាត់តែម្តង ។
abc7 រាយការណ៍ថា ស្ត្រីរងគ្រោះត្រូវបានស្គាល់មានឈ្មោះថា Elizabeth Tollison អាយុ ៤៩ ឆ្នាំ ។
អាជ្ញាធរបាននិយាយថា ស្ត្រីរងគ្រោះពុំរងការបាញ់សម្លាប់ពីមន្ត្រីទេ ប៉ុន្តែ នាងត្រូវបានសម្លាប់ដោយ Perez ដែលបានអូសកាំបិតកាត់បំពង់.ករបស់នាងតែម្តង ៕ ចន្ទី (mirror.co.uk)