John Nathan Lising អាយុ ៦ឆ្នាំ នៅ Nueva Ecija ប្រទេសហ្វីលីពីន កំពុងរងទទួលនូវការកន្ត្រាក់មុខ ពីថ្ងៃទី ២៣ ខែកក្កដា មកម្លេះ ព្រោះតែលេងហ្គេមដល់ទៅ ៩ម៉ោង ក្នុង១ថ្ងៃៗ ។ ភ្នែករបស់វាប៉ប្រិចពុំឈប់ ហើយបបូរមាត់ញ័រជានិច្ច ។
ដោយពិនិត្យឃើញអាការៈចម្លែកបែបនេះ លោក Edgar អាយុ ៤១ឆ្នាំ ជាឪពុក និងនាង Judee អាយុ 40 ឆ្នាំ ជាម្តាយ បានប្រញាប់នាំ យកកូនទៅមន្ទីរពេទ្យ ប៉ុន្តែតាមលទ្ធផលថត CT ស្កែនខួរក្បាលរបស់ក្មេងនេះ ប្រក្រតីធម្មតាទេ ។ ជាង១សប្តាហ៍ក្រោយមក John នៅតែរងទទួលការ “កន្ត្រាក់” ពី ២០-៣០នាទី ម្តង ដដែលនោះពុំមានប្រើបរិក្ខារអេឡិចត្រូនិចក្តី ។
John នៅតែទទួលការកន្ត្រាក់ជាប្រចាំលើផ្ទៃមុខរៀងរាល់ថ្ងៃ ។
បុរសជាឪពុកពោលថា ៖ “កូនខ្ញុំសុខភាពមាំមួនណាស់! ។ មុននេះវាពុំធ្លាប់មានអាការៈចម្លែកអ្វីទេ ។ រោគសញ្ញានេះទើបឃើញអំឡុងថ្ងៃទី ២៣-២៤ ខែកក្កដា ដោយពុំមានសញ្ញាឈប់ឈរសោះ ។ ខ្ញុំគិតថា ទាំងអស់នោះបណ្តាលមកពីការប្រើប្រាស់ទូរស័ព្ទ កុំព្យូទ័រច្រើនហួសហេតុ ទើបបណ្តាលឲ្យទៅជាយ៉ាងនេះ” ។
Judee ដែលជាម្តាយវិញនិយាយថា ៖ “កូនប្រុសរបស់ខ្ញុំឲ្យតែងើបពីគេងគឺមើលទូរទស្សន៍ ។ វេលាម៉ោងប្រមាណ ៣ល្ងាច ពេលមកពីរៀនវិញ វាលេងហ្គេមលើទូរស័ព្ទ ឬ iPaid រហូតដល់កណ្តាលអាធ្រាត ។ វាលេងហ្គេមធម្មតា ដែលក្មេងៗពេញនិយម ហើយពុំមែនជាហ្គេមភីហ្សាទេ ប៉ុន្តែវាញៀន។ មុននេះវាតែងសើចសប្បាយ ហើយពួកខ្ញុំគិតថា ពុំមានបញ្ហាអ្វី ប៉ុន្តែឥឡូវត្រូវក្លាយជាបែបនេះ គឺកន្ត្រាក់ៗ… រាល់ថ្ងៃ!” ។
ពួកខ្ញុំបាននាំកូនទៅមន្ទីរពេទ្យជាច្រើន តែលទ្ធផលគឺពុំប្រសើរឡើងសោះ ទើបចង់ឲ្យអាណាព្យាបាលទាំងឡាយគប្បីដឹង ហើយមានវិធានការជាមុន កុំទុកយឺតពេល ធ្វើអ្វីលែងកើត ដូចជាពួកខ្ញុំ ៕ លីសា
