ស្វាយរៀង៖ បុរសម្នាក់បានស្លាប់នៅក្នុងករណីគ្រោះថ្នាក់ចរាចរណ៍មួយរវាងម៉ូតូនឹងរថយន្តមិនស្គាល់ម៉ាកបើកបរបញ្ច្រាស់ទិសគ្នាបុកគ្នាលាន់ដូចរន្ទះបាញ់បណ្តាលអោយអ្នកម៉ូតូស្លាប់ភ្លាមៗនៅនឹងកន្លែង។ហេតុការណ៍នេះបានកើតឡើងនៅលើកំណាត់ផ្លូវលេខ.៣១៤Dស្ថិតនៅចំណុចភូមិត្រពាំងរុនឃុំព្រះពន្លាស្រុកកំពង់រោទ៌កាលពីវេលាម៉ោង៦និង១៧នាទីល្ងាចថ្ងៃទី៦ខែសីហាឆ្នាំ២១០៨។
សមត្ថកិច្ចនគរបាលប៉ុស្តិរដ្ឋបាលឃុំព្រះពន្លាបានអោយដឹងថាៈជនរងគ្រោះមានឈ្មោះរ៉េន សៅ ភេទប្រុសអាយុ២៣ឆ្នាំរស់នៅភូមិព្រៃចំណារ ឃុំ ខ្សែត្រស្រុកកំពង់រោទ៏ខេត្តស្វាយរៀងបើកបរម៉ូតូម៉ាកសង់សេរី២០១៧ពាក់ផ្លាកលេខស្វារៀង.១J.២៩៨៦ធ្វើដំណើរពីជើងទៅត្បូងលុះមកដល់ចំណុចកើតហេតុខាងលើក៍មានរថយន្ត១គ្រឿងមិនស្គាល់ម៉ាកបើកបរមកពីទិសខាងត្បូងទៅជើងមកដល់ចំណុះកើតហេតុក៍បានបុកនឹងម៉ូតូបណ្ដាលឲ្យជនរងគ្រោះស្លាប់ភ្លាមៗនៅហ្នឹងកន្លែងកើតហេតុបន្ទាប់មករថយន្តបើកគេចបាត់ពីកន្លែងកើតហេតុតែម្តងដោយមានការរំខានពីខាងសមត្ថកិច្ចណាមួយឡើយ។
ប្រភពខាងលើបានឱ្យដឹងទៀតថាៈមូលហេតុ.ដែលបណ្តាលឱ្យមានករណីគ្រោះថា្នក់ចរាចរណ៍នេះកើតឡើងគឺបណ្តលមកពីរថយន្តបើកបរមិនប្រកាន់ស្ដាំ។
បច្ចុប្បន្ន. សមត្តិកិច្ចកំពុងតាមស្រាវជ្រាវរករថយន្តបង្កហេតុុ។ ដោយឡែកសាកសពជនរងគ្រោះត្រូវបានសមត្ថកិច្ចប្រគល់ ឲ្យឱពុកម្ដាយយកទៅធ្វើបុណ្យតាមប្រពៃណី។ រីឯម៉ូតូបានយកមករក្សាទុកនៅប៉ុស្ថិ៍រដ្ឋបាលឃុំព្រះពន្លា ៕ វ៉ៃកូ