ហាងធ្វើក្រចកមួយនៅក្នុងទីក្រុងញូវយ៉ក បានរងការរិះគន់យ៉ាងខ្លាំង បន្ទាប់ពីវីដេអូមួយបានបង្ហាញឲ្យឃើញបណ្តបុគ្គលិករបស់ហាងនោះ បានព្រួតគ្នាវាយដុំយ៉ាងសាហាវ ទៅលើអតិថិជន ដោយប្រើដងអំបោល និងប្រដាប់ចូកធូលី បានរាលដាលនៅលើអ៊ីនធើរណេត ។
ហេតុការណ៍នេះបានកើតឡើងនៅហាងក្រចក “New Red Apple” ស្ថិតនៅ East Flatbush, Brooklyn បន្ទាប់ពីអតិថិជនម្នាក់ត្រូវបានចោទប្រកាន់បដិសេធបង់ថ្លៃធ្វើក្រចក ៥ ដុល្លារ ព្រោះតែនៅលើចិញ្ចើមរបស់នាងត្រូវបានដកស្ទើរតែទាំងស្រុងរបស់នាង ក្នុងអំឡុងពេលធ្វើ ។
នៅក្នុងវីដេអូឃ្លីប បុគ្គលិកហាងនោះ ដែលសុទ្ធសឹងជាជនជាតិអាស៊ី អាចត្រូវបានឃើញព្រួតគ្នាឡោមព័ទ្ធអតិថិជនស្រីស្បែកខ្មៅម្នាក់ មុនពេលម្នាក់ក្នុងចំណោមពួកគេវាយប្រហារនាងនឹងដងអំបោស ។
ទោះយ៉ាងណា អតិថិជននោះបានព្យាយាមគ្រប់គ្រងស្ថានការណ៍ រត់គេចខ្លួនបន្ទាប់ពីរងការវាយដុំយ៉ាងសន្ធាប់ ។
បុគ្គលិកស្រីៗទាំងនោះ បន្ទាប់មក បានងាកមកផ្តោតទៅលើអតិថិជនស្រី២នាក់ ដែលបង្ខំឲ្យនៅនឹងកាច់ជ្រុងហាង ។
ខណៈពេលក្រោយមក អតិថិជនម្នាក់បានវិលត្រឡប់មកហាងវិញ ជាមួយវត្តមានបុរសម្នាក់ ដែលបានព្យាយាមបញ្ឈប់សកម្មភាពហិង្សារបស់ពួកគេ ។ ទោះយ៉ាងណា ការឈ្លោះប្រកែកគ្នាក៏បានបន្តរហូតដល់ ៣០ វិនាទីទៀត ។
ហេតុការណ៍នេះត្រូវបានថតដោយអតិថិជនម្នាក់ទៀតឈ្មោះ Mercy Maduka និងបានចែករំលែករឿងរ៉ាវ និងវីដេអូ នៅលើហ្វេសប៊ុក ។
កាសែត New York Daily បានរាយការណ៍ថា ស្ត្រីម្នាក់ឈ្មោះ Huiyue Zheng អាយុ ៣២ ឆ្នាំ ជាបុគ្គលិកហាងខាងលើនេះ ដែលបានវាយប្រហារអតិថិជនខ្លួនជាមួយដងអំបោស ត្រូវបានចាប់ខ្លួន និងចោទប្រកាន់ប្រើអំពើហិង្សា ។ ប៉ុន្តែ នាងត្រូវបានដោះលែងវិញកាលពីថ្ងៃសៅរ៍ បន្ទាប់ពីទទួលស្គាល់កំហុសរបស់ខ្លួន ។
ក្នុងនោះផងដែរ អាជ្ញាធរក៏បានចាប់ខ្លួនស្ត្រីឈ្មោះ Christina Thomas (ជាអតិថិជនម្នាក់ដែល Zheng បានវាយប្រហារដំបូង) ពីបទចោទប្រកាន់ប្រើអំពើហិង្សា បន្ទាប់ពីបានដាល់, ទះកំភ្លៀង និងអូសស្ត្រីអាយុ ៣៥ ឆ្នាំ ម្នាក់ នៅក្នុងហាងក្រចកនោះ ។ ប៉ុន្តែ Thomas ក៏ត្រូវបានដោះលែងវិញផងដែរ បន្ទាប់ពីទទួលស្គាល់កំហុសរបស់ខ្លួន ៕ ចន្ទី (Nextshark)