បុរសម្នាក់ បានព្យាយាមធ្វើឲ្យមិត្តស្រីរបស់ខ្លួនមានការភ្ញាក់ផ្អើល ដោយគាត់បានលាក់ចិញ្ចៀនតម្លៃ ៦៥.០០០ដុល្លារ នៅក្នុងនំសូកូឡា ប៉ុន្តែជាអកុសល ចិញ្ចៀននោះបានឆក់យកជីវិតមិត្តស្រីរបស់គាត់ នៅពេលដែលនាងហូបនំ ហើយឈ្លក់ចិញ្ចៀនស្លាប់។
បុរសខាងលើមានឈ្មោះថា Martin Finn អាយុ ២៩ឆ្នាំ មកពីរដ្ឋ Minnesota សហរដ្ឋអាមេរិច។ គាត់បានបង្កប់ចិញ្ចៀនដ៏មានតម្លៃក្នុងនំ ដើម្បីស្នើសុំមិត្តស្រីឈ្មោះ Melissa James អាយុ ២៧ឆ្នាំ រៀបការជាមួយគាត់។
ក្នុងកំឡុងពេលហូបអាហារពេលល្ងាចជាមួយគ្នា គាត់បានសម្រេចចិត្តធ្វើឲ្យមិត្តស្រីភ្ញាក់ផ្អើល ដោយបានបង្កប់ចិញ្ចៀនសុំរៀបការ នៅក្នុងនំ ប៉ុន្តែស្ត្រីវ័យក្មេងនោះ បានលេបចំចិញ្ចៀននៅពេលនាងហូបនំ និងបានចាប់ផ្តើមក្អក និងឈ្លក់ស្លាប់តែម្តង។
បន្ទាប់ពីសង្សាររបស់ខ្លួនស្លាប់ បុរសនោះក៏ត្រូវបានចាប់ខ្លួនផងដែរ និងបានចោទប្រកាន់ពីបទមនុស្សឃាតដោយចេតនា។ គាត់អាចប្រឈមនឹងការជាប់គុករយៈពេល ២៥ឆ្នាំ ប្រសិនជារកឃើញថាមានទោស។
ប៉ូលីស បានហៅបុរសខាងលើថា ជាជនរងគ្រោះនៃអំពើឆ្កួតលីលារបស់គាត់។
សូមបញ្ជាក់ថា ស្ត្រីខាងលើគឺជាជនរងគ្រោះទី ៣ដោយសារតែការធ្វើឲ្យភ្ញាក់ផ្អើលពីមិត្តប្រុស នៅក្នុងសហរដ្ឋអាមេរិច ខណៈកាលពីខែមុន មានស្ត្រីម្នាក់បានស្លាប់ដោយសារការគាំងបេះដូង នៅពេលមិត្តប្រុសរបស់នាងសុំនាងរៀបការ ដោយមានការបាញ់កាំជ្រួច ប៉ុន្តែមិនមានការចោទប្រកាន់ណាមួយធ្វើឡើងលើបុរសនោះទេ៕ សុភ័ក្ត្រ
ប្រភព៖ World News Daily Report