បុរស និងនារីវ័យក្មេងជនជាតិថៃមួយគូ ដែលត្រូវបានចាត់ទុកជាគូស្នេហ៍នឹងគ្នា ដែលខាងប្រុសមានឈ្មោះ Anantachia (អាយុ ២០ ឆ្នាំ) និងខាងស្រីឈ្មោះ Paweena (អាយុ ២០ ឆ្នាំ) ត្រូវបានគេបាញ់សម្លាប់យ៉ាងសាហាវ នៅចំពោះមុខភ្ញៀវទេសចរច្រើនកុះករ ស្ថិតនៅចំណុចទីកន្លែងចតរថយន្ត ទល់មុខភ្នំព្រះពុទ្ធ Moo6, តំបន់ Na Jomtien , ស្រុក Sattahip ខេត្ត Chonburi នាវេលាម៉ោង ៤ និង ២០ នាទី ថ្ងៃទី២៩ ខែកក្កដា ឥឡូវនេះ ឃាតករត្រូវបានចាប់ខ្លួនហើយ គឺជាម្ចាស់កាស៊ីណូម្នាក់ ដែលបានជួលឃាតករ៣នាក់ សម្លាប់ពួកគេទាំងពីរ បន្ទាប់ពីខ្លួនពុំអាចបញ្ចុះបញ្ចូល Paweena ស្រលាញ់ខ្លួនបាន ។
យោងតាមប្រភពព័ត៌មានបានឲ្យដឹងថា តាមពិតទៅរវាង Anantachai និង Paweena គឺជាមិត្តភក្តិដ៏ល្អ និងជាបងប្អូនសាច់ញាតិនឹងគ្នាប៉ុណ្ណោះ ។ Anantachai ត្រូវបានដឹងថាមនុស្សចរិក (ពាក់កណ្តាលប្រុស ពាក់កណ្តាលស្រី) ប៉ុន្តែ ពួកគេធំដឹងក្តីឡើង បានមានទំនាក់ទំនងជិតស្និទ្ធនឹងគ្នាយ៉ាងខ្លាំង ដែលធ្វើឲ្យអ្នកដទៃគិតថា ពួកគេជាគូសង្សារនឹងគ្នា ។
មុនពេលហេតុការណ៍នេះកើតឡើង Anantachia និង Paweena បានធ្វើដំណើរដោយរថយន្តជួល១គ្រឿង ទៅកាន់ខេត្ត Chonburi ដើម្បីប្រារព្ធខួបកំណើតរបស់ពួកគេ រួមជាមួយមិត្តភក្តិដទៃទៀត ។ ប៉ុន្តែ ជាអកុសល ពួកគេត្រូវបានបាញ់សម្លាប់យ៉ាងសាហាវនៅកន្លែងកើតហេតុ ។
Paweena ត្រូវបានដឹងថា បានចូលរៀននៅសកលវិទ្យាល័យ បានតែ១ឆមាសប៉ុណ្ណោះ នាងក៏បានបោះបង់ការសិក្សា ដើម្បីធ្វើការងារនៅកន្លែងកំសាន្ត នៅក្នុងទីក្រុង Phuket ព្រោះតែគ្រួសាររបស់នាងបានជួបប្រទះជីវភាពលំបាក ។ ព្រោះតែនាងមានរូបសម្រស់ស្អាត នាងក៏ត្រូវបានពេញចិត្តពីថៅកែរបស់នាង និងថែមទាំងចង់រៀបការយកនាងធ្វើជាប្រពន្ធទៀតផង ប៉ុន្តែ Paweena បដិសេធ ព្រោះមិនចង់មានបញ្ហាហិង្សាកើតឡើងជាមួយគ្រួសាររបស់គាត់ ។ ថៅកែរូបនេះបានផ្ទុះកំហឹងយ៉ាងខ្លាំង នៅពេលឃើញរៀងរាល់ពេលដែល Paweena នៅជាមួយមិត្តភក្តិរបស់ម្នាក់នេះ (Anantachia) ។
នៅដើមឆ្នាំនេះ Paweena ចង់ទិញរថយន្ត១គ្រឿង សម្រាប់គ្រួសាររបស់នាង ។ ហើយថៅកែនេះ ក៏បានផ្ទេរលុយ ១ លានបាត ទៅឲ្យ Paweena ។ គ្រួសាររបស់នាងបានគិតថា ថៅកែរូបនោះកំពុងព្យាយាមទិញ Paweena ក្នុងតម្លៃ១លានបាត និងបានបដិសេធនូវរាល់ទង្វើរបស់គាត់ ។
ដោយសារតែផ្ទុះកំហឹងនឹង Paweena ព្យាយាមឃ្លាតឆ្ងាយពីខ្លួន ថៅកែរូបនេះក៏សម្រេចចិត្តចុងក្រោយ ជួលឃាតករសម្លាប់នាង និងមិត្តប្រុសស្និទ្ធស្នាលរបស់នាងតែម្តង ៕ ឧតុ្តម (52hrtt.com)
