ស្ត្រីឥណ្ឌាម្នាក់បានខាំដាច់លិង្គរបស់ប្តី ក្រោយពេលត្រូវចាប់បានភស្តុតាងសហាស្មន់ជាមួយបុរសម្នាក់ផ្សេង ។ ប៉ូលិសប្រចាំតំបន់បញ្ជាក់ថា ស្ត្រីផិតក្បត់ រូបនេះត្រូវបានចោទប្រកាន់ពីបទសម្លាប់មនុស្ស ។
តាម Asia One ស្ត្រីជាភរិយាឈ្មោះ Javanthi អាយុ ៤៥ឆ្នាំ ជាមួយនឹងប្តី (ជាកសិករស្លូតត្រង់ សុភាពរាបសាម្នាក់) បានចេញទៅមើលល្ខោននៅសង្កាត់ Vellore រដ្ឋ Tanmil Nadu កាលពីដើមសប្តាហ៍មុន តែក្រោយមក បានលបលួចទៅជួបជាមួយគូកំណាន់ចិត្ត ។
ក្រោយពេលរង់ចាំអស់ពេលជាង១ម៉ោង តែពុំឃើញភរិយាត្រឡប់មកវិញ បុរសរូបនេះ បានដើររកគ្រប់កន្លែង ហើយចៃដន្យ បានប្រទះឃើញភរិយារបស់ខ្លួនកំពុងសាសងស្នេហ៍ជាមួយបុរសចម្លែក ។
ទ្រាំមិនបានគាត់ស្ទុះទៅប្រតាយប្រតប់ជាមួយបុរសជាសហាយ ហើយក្រោយពេលអាវ Dhoti Kurta (អាវវែងរបស់បុរសឥណ្ឌា) បានរបូតចេញស្រាប់តែស្ត្រីជាភរិយាបានស្ទុះមកខាំដាច់លិង្គមួយផ្នែករបស់គាត់ មុនពេលរត់គេចខ្លួនជាមួយប្រុសសហាយ -លោក Bahu ដែលជាប៉ូលិសបានពោលប្រាប់ ។
អ្នកនៅជិតនោះបានជួយឃាត់ឈាម ឲ្យបុរសជាប្តី និងរើសយកផ្នែកលិង្គដែលដាច់ចេញ រួចនាំគាត់ទៅមន្ទីរពេទ្យ និងរាយការណ៍ប្រាប់ប៉ូលិស ។
ស្ត្រីជាភរិយាបានត្រូវចាប់ខ្លួន នៅថ្ងៃទី ៣ ខែសីហា ខណៈពេលបុរសជាស្វាមីកំពុងត្រូវបានព្យាបាលក្នុងមន្ទីរពេទ្យ ។
The Times of India ឲ្យដឹងថា ស្រីល្មោភកាម Jayanthi បានសារភាពថា ខ្លួនពិតជាបានធ្វើដូច្នេះមែន ។ ប៉ូលិសក៏បានបញ្ជូនស្ត្រីរូបនេះទៅកាន់ពន្ធនាគារ Vellore រង់ចាំការកាត់ក្តី ៕ លីសា