កូនស្វាដ៏គួរឲ្យអាណិតមួយក្បាល ដែលបានបែកបាក់ពីឪពុកម្តាយរបស់វា ឥឡូវនេះ បានរកឃើញម្តាយថ្មីរបស់វាហើយនោះគឺសត្វពពែពណ៌ខ្មៅមួយក្បាល ដែលរស់នៅក្នុងកសិដ្ឋាន ក្នុងប្រទេសចិន។
បើតាមការបញ្ជាក់របស់កសិករម្នាក់ឈ្មោះ Zhong Shu បានឲ្យដឹងថា កូនស្វានោះបានរត់ចូលមកក្នុងកសិដ្ឋានរបស់គាត់ ហើយបានយកសត្វពពែមួយក្បាលជាម្តាយរបស់វា។
កូនស្វានោះ បានតោងលើកម៉ែថ្មីរបស់វាគ្រប់ពេលវេលា និងអ្នកទាំងពីរនៅជាមួយគ្នាស្ទើរគ្រប់ពេលវេលាសូម្បីពេលដេក និងពេលពពែចេញក្រៅរកស៊ីចំណី។
បើតាមវីដេអូ ស្វាដ៏កំសត់នោះ បានតោងកម្តាយថ្មីរបស់វាយ៉ាងណែនពេញមួយថ្ងៃ។
ទោះយ៉ាងណា កូនស្វានេះប្រហែលជាត្រូវបំបែកចេញពីម្តាយថ្មីរបស់វាដោយ និងនាំយកទៅកាន់សួនសត្វមួយក្បែរក្រុង បន្ទាប់ពីវីដេអូរបស់វាត្រូវបានបង្ហោះ និងមានប្រតិកម្មជាច្រើនពីអ្នកមើល។
វាអាចនឹងត្រូវគេបញ្ជូនទៅកាន់តំបន់អភិរក្សសត្វព្រៃ Tonggu នៅពេលវាធំបន្តិច៕ សុភ័ក្ត្រ
ប្រភព៖ Good Times
