កំពូលតារាចម្រៀង វ័យ ២៤ឆ្នាំ មើលទៅហាក់តានតឹង ហើយរន្ធត់ចិត្ត ខណៈពេលជិះកង់ដើរលេងជាមួយគូដណ្តឹង Hailey Baldwin កាលពីថ្ងៃទី ៧ ខែសីហា ។
Justin Bieber និង Harley Baldwin នាំគ្នាជិះកង់លេងជុំវិញតំបន់ West Side នៅ Manhattan NewYork កាលពីថ្ងៃអង្គារ ។ មួយសន្ទុះក្រោយមក Justin បានបញ្ឈប់កង់ រួចយកដៃឱបផ្ទៃមុខដ៏ក្រៀមក្រំ ។
តារាតន្ត្រី POP មើលទៅហាក់ដូចជាតានតឹងដោយសាររឿងអ្វីមួយនោះ ។ ប៉ុន្មានថ្ងៃមុននេះសោះតារារូបនេះមានអកប្បកិរិយារីករាយ ហើយស្វាហាប់ពេលជួបគ្នាជាមួយ Hailey ។
គូស្នេហ៍ទាំង២ អង្គុយក្បែរចិញ្ចើមថ្នល់ ហើយនាង Hailey លួងលោម Justin រហូត ។
ពេលខ្លះ កំពូលតារាបទ “Sorry” មានភ្នែកក្រហម និងក្តុកក្តួល ។
លាក់ទឹកភ្នែកលើស្មារបស់គូដណ្តឹង ។
ក្រោយពេលទទួលការលួងលោមពីសង្សារ Justin មានសភាពគ្រាន់បើជាងមុន ។
ក្រោយមកអ្នកទាំង២ បានចូលហាងកាហ្វេដើម្បីសម្រាក ។
Justin Bieber បានសុំ Hailey រៀបការនៅថ្ងៃទី ៧ ខែកក្កដា ហើយកំពុងត្រៀមមង្គលការ ។ មនុស្សទាំង២នាក់នេះ បាននៅកៀកកើយគ្នាជាប់អស់រយៈ ២ខែមកហើយ ហើយពេលបង្ហាញមុខជាសាធារណៈម្តងគឺរួសរាយខ្លាំងណាស់ ។
ប៉ុន្តែព្រោះពួកគេនៅក្មេងទើបអាពាហ៍ពិពាហ៍ ប្រហែលត្រូវរងសម្ពាធពុំតិចទេ ។
Hailey អាយុ ២១ឆ្នាំ ជាតារាបង្ហាញម៉ូត ៕ ចន្ទ្រា
