វីដេអូដ៏ញាក់សាច់មួយ បានបង្ហាញឲ្យឃើញអ្នកទេសចរជនជាតិអាមេរិកម្នាក់ ត្រូវបានវាយធ្វើបាបដោយពួកអាជីវករលក់ដូរតាមដងផ្លូវមួយហ្វូង នៅក្នុងទីក្រុង Barcelona ក្នុងអំឡុងពេលផ្ទុះជម្លោះហិង្សាមួយ ។
បុរសម្នាក់ត្រូវបានគេរាយការណ៍ថា ត្រូវបានវាយប្រហារដោយពួកអ្នកលក់ដូរផ្ទុះហិង្សា នៅក្នុង Plaça de Catalunya បន្ទាប់ពីគាត់បានចូលអន្តរាគមន៍បញ្ឈប់ពួកគេប្រើផ្ទុះការជេរប្រមាថមើលងាយទៅលើស្ត្រីម្នាក់ដែលរុញរទេះកូនក្មេង ពុំពេញចិត្តនឹងទង្វើរលក់ដូរគ្មានសណ្តាប់ធ្នាប់របស់ពួកគេ ។
វីដេអូត្រូវបានថតដោយអ្នកមើលម្នាក់ បានបង្ហាញឲ្យឃើញបុរសមួយក្រុម ដាល់ទៅលើជនរងគ្រោះពុំស្គាល់ឈ្មោះម្នាក់ ដែលត្រូវបានគេរាយការណ៍ថាមានអាយុ ៤៥ ឆ្នាំ ។
ម្នាក់ក្នុងចំណោមអ្នកវាយប្រហារទាំងនោះ ពាក់អាវយឺតពណ៌ស និងខោខ្លីពណ៌គគីខ្លី បន្ទាប់មក បានរត់សំដៅអ្នកទេសចរនោះ និងវាយប្រហារគាត់យ៉ាងសន្ធាប់ជាមួយខ្សែក្រវាត់ ។
បុរសទេសចរនោះត្រូវបានគេនិយាយថា បានរងរបួសពោរពេញដោយឈាម បន្ទាប់ពីរងការវាយប្រហារ និងត្រូវបានគេបញ្ជូនទៅព្យាបាលរបួសនៅមន្ទីរពេទ្យភ្លាមៗផងដែរ ។
ឃ្លីបបានបញ្ចប់ត្រឹមជនរងគ្រោះរត់ចេញពីការវាយប្រហារ ខណៈអ្នកដំណើរជាច្រើនមានការស្លុតរន្ធត់ នាំគ្នាចូលបំបែកការវាយតប់ដ៏សាហាវនេះ ។
ស្ត្រីរុញរទេះកូនក្មេងនោះ ត្រូវបានគេរាយការណ៍ថា បានត្អូញត្អែរថា ពួកអាជីវករលក់ដូរតាមដងផ្លូវទាំងនោះ ពុំបានទុកកន្លែងទំនេរឲ្យបានសមល្មម សម្រាប់នាងឆ្លងកាត់ផ្លូវទេ ។
ទោះយ៉ាងណា អ្នកបង្កពាក់ព័ន្ធទាំងអស់នៅក្នុងហេតុការណ៍នេះ ពុំមានការចាប់ខ្លួននោះទេ ខណៈប៉ូលីសបានត្រឹមនិយាយសម្រុះសម្រួលបុរសរងគ្រោះជនជាតិអាមេរិកនោះ អំពីការវាយប្រហារនេះ ៕ ឧត្តម (Daily Mail)