ភ្នំពេញៈ AUPP ជាគ្រឹះស្ថានឧត្តមសិក្សាបែបអាមេរិកាំងតែមួយគត់នៅកម្ពុជា។ សាស្ត្រាចារ្យនៅ AUPP ជាជនជាតិអាមេរិក និងបរទេស ដែលមានសញ្ញាបត្របណ្ឌិត ហើយមានបទពិសោធន៍បង្រៀនកម្រិតសាកលវិទ្យាល័យនៅសហរដ្ឋអាមេរិក អូស្ត្រាលី អឺរ៉ុប និងបណ្តាប្រទេសអភិវឌ្ឍជាច្រើនទៀត។
AUPP ជាសាកលវិទ្យាល័យតែមួយគត់នៅកម្ពុជា និងដំបូងបង្អស់ក្នុងតំបន់អាស៊ីអាគ្នេយ៍ ដែលមានកម្មវិធីបណ្តុះបណ្តាលចេញសញ្ញាបត្រពីរ (Dual Degree Program) តាមរយៈកិច្ចសហប្រតិបត្តិការណ៍អប់រំជាមួយសាកលវិទ្យាល័យអាមេរិកល្បីៗ។ កម្មវិធីសិក្សាសញ្ញាបត្រពីរ (២) នេះ អនុញ្ញាត្តឱ្យនិស្សិតខ្មែរ ក៏ដូចជានិស្សិតក្នុងតំបន់ទទួលបានសញ្ញាបត្រពីរ (២) បន្ទាប់ពីបញ្ចប់ការសិក្សា។ សញ្ញាបត្រមួយចេញដោយ AUPP និងមួយទៀតចេញដោយសាកលវិទ្យាល័យដៃគូរនៅសហរដ្ឋអាមេរិក។
AUPP មាននិស្សិតរបទេសមកពីបណ្តាប្រទេសផ្សេងៗក្នុងតំបន់ និងពិភពលោក។ និស្សិត AUPP ដែលបញ្ចប់ការសិក្សាជំនាន់ដំបូងក្នុងឆ្នាំ២០១៧ និងឆ្នាំ ២០១៨ ភាគច្រើនបានបន្តការសិក្សាថ្នាក់បរិញ្ញាបត្រជាន់ខ្ពស់ និងបណ្ឌិត នៅសហរដ្ឋអាមេរិក និងអូស្ត្រាលី ដោយជោគជ័យ ដោយភាគច្រើនទទួលបានអាហារូបករណ៍។ AUPP ផ្តល់ជូននិស្សិតនូវបរិយាកាសសិក្សាល្អបំផុត ដើម្បីជួយជម្រុញដល់ភាពជោគជ័យក្នុងការសិក្សារបស់និស្សិត ។
អគារសិក្សា AUPP ត្រូវបានទទួលស្គាល់ជាអគារសិក្សាសាកលវិទ្យាល័យដែលធំ ប្រណីត និងទំនើបជាងគេនៅកម្ពុជា។ អគារសាកលវិទ្យាល័យ AUPP លាតសន្ធឹងលើផ្ទៃដីជាង ៧.៥ ហិចតា អគារសិក្សា AUPP បំពាក់ដោយបរិក្ខារសិក្សា និងកីឡាទំនើបៗ និងសម្បូរបែបរួមមាន៖ ថ្នាក់រៀនទំនើបស្តង់ដារអាមេរិក សាលកុំព្យូទ័រ បន្ទប់ពិសោធន៍ បណ្ណាល័យធំទូលាយ សាលសម្រាប់និស្សិត មជ្ឈមណ្ឌលស្វ័យសិក្សា ជាដើម។ ក្នុងនៅសាកលវិទ្យាល័យ AUPP បានផ្តល់ជូននិស្សិតនូវបរិក្ខារជាច្រើនទៀតរួមមាន៖ តារាងបាល់ទាត់ទំហំ FIFA តារាងបាល់ទះ តារាងបាល់បោះ តារាងវាយតិននីស និងក្លឹបហាត់ប្រាណដ៏ទំនើប។
AUPP បានបញ្ជូននិស្សិតទៅចុះកម្មសិក្សានៅក្នុងស្រុក ក្នុងតំបន់ និងពិភពលោក ជាពិសេសសហរដ្ឋអាមេរិក។
AUPP នឹងមានអន្តេវាសិកដ្ឋាន សម្រាប់និស្សិតមកពីបណ្តាខេត្ត និងប្រទេសផ្សេងៗស្នាក់នៅ៕ ដោយៈ កូឡាប
