នៅថ្ងៃទី៨ ខែសីហា ប្រធានាធិបតីអ៊ីរ៉ង់ Hassan Rouhani ឱ្យដឹងថា ប្រទេសនេះគាំទ្រការស្ថាបនាសន្ដិភាព សន្ដិសុខ លើឧបទ្វីបកូរ៉េ ហើយចង់ជំរុញកិច្ចសហប្រតិបត្ដិការជាមួយក្រុងព្យុងយ៉ាង ក៏ដូចជាដៃគូអន្ដរជាតិផ្សេងទៀត។
ថ្លែងក្នុងជំនួបជាមួយប្រមុខការទូត Ri Yong-h លោកRouhani សង្កត់ធ្ងន់ថា៖ «អ៊ីរ៉ង់ត្រៀមជាស្រេចដើម្បីអភិវឌ្ឍន៍និងជំរុញទំនាក់ទំនងអន្ដរជាតិនិងកិច្ចសន្យាលើគ្រប់វិស័យ ក្នុងនោះមានកិច្ចសហប្រតិបត្ដិការជាមួយក្រុងព្យុងយ៉ាង។ អ៊ីរ៉ង់និងកូរ៉េខាងជើងមានទស្សនៈស្រៀងគ្នាជាច្រើន ហើយបានជួយឧបត្ថម្ភគ្នាក្នុងខណៈពេលសំខាន់ៗលើឆាកអន្ដរជាតិ»។
ទន្ទឹមនេះ លោកRouhani ក៏បានលើកឡើងពីការដែលអាមេរិកដកថយចេញពីកិច្ចព្រមព្រៀងនុយក្លេអ៊ែរនៅអ៊ីរ៉ង់ឬដែលគេហៅថាផែនការសកម្មភាពរួមទាំងស្រុង(JCPOA) ។តាមលោកRouhani អាមេរិកបានបាត់បង់ទាំងស្រុងនូវជំនឿ ចិត្ដរបស់សហគមន៍អន្ដរជាតិបន្ទាប់ពីបានធ្វើបែបនេះ។
រីឯប្រមុខការទូត Ri Yong-hoវិញ អះអាងថា ការដែលអាមេរិកដកខ្លួនថយចេញពីJCPOA និងដាក់ទណ្ឌកម្មសាជាថ្មីចំពោះអ៊ីរ៉ង់គឺជាទង្វើបំពានច្បាប់អន្ដរជាតិ៕
សូយន