គណៈកម្មការទ្វីបអឺរ៉ុប(EC) បានព្រមានដល់បណ្ដាប្រទេសជាសមាជិកហគមន៍អឺរ៉ុប(EU) ដែលជំរុញខ្លាំងក្លាកម្មវិធីទិដ្ឋាការមាស វិនិយោគិនបរទេសដែលជាមូលដ្ឋានឈានឆ្ពោះទៅការផ្ដល់សញ្ជាតិថាគឺជា«គ្រោះគំរាមកំហែងសន្ដិសុខ»។
នៅថ្ងៃទី៨ ខែសីហា អ្នកស្រីVera Jourova សមាជិកទទួលបន្ទុកច្បាប់ អ្នកប្រើប្រាស់ និងយែនឌ័ររបស់ EC បានឆ្លើយតបនឹងកិច្ចសម្ភាសន៍ Die Welt របស់កាសែតរបស់អាល្លឺម៉ង់ថា គណៈកម្មការនេះមានការ ព្រួយបារម្ភជាទីបំផុតចំពោះស្ថានភាពដែលប្រទេសជាសមាជិកEUជាច្រើនបានផ្ដល់សញ្ជាតិពលរដ្ឋបរទេសក្រោយរយៈពេលមួយ(ភាគច្រើនប្រមាណ៥ឆ្នាំ)គិតចាប់ពីពេលពួកគេធ្វើការវិនិយោគដើមទុនច្រើន ឬទិញអចលនទ្រព្យតាមរយៈកម្មវិធីទិដ្ឋាការមាស។
អ្នកស្រីព្រមានថា៖ ស្ថានភាពលក់សញ្ជាតិពាសវាលពាសកាលគឺជាគ្រោះគំរាមកំហែងយ៉ាងធ្ងន់ធ្ងរដល់សន្ដិសុខ។មុខសញ្ញាឧក្រិដ្ឋជននឹងឆ្លៀតឱកាសប្រើប្រាស់កម្មវិធីនេះដើម្បីក្លាយជាពលរដ្ឋEU ។EUនឹងក្លាយជាឋានសួគ៌សម្រាប់ពួកឧក្រិដ្ឋជនប្រព្រឹត្ដអំពើពុករលួយនិងលាងសម្អាតលុយកខ្វក់។
អ្នកស្រីសង្កត់ធ្ងន់ថា បណ្ដាសមាជិកEUត្រូវប្រញាប់ប្រញាល់អនុវត្តន៍ក្រឹត្យច្បាប់ថ្មីរបស់សហគមន៍ស្ដីពីការប្រឆាំងការលាងសម្អាតលុយនិងធានាថាមិនផ្ដល់សញ្ជាតិចំពោះមុខសញ្ញាដែលមិនច្បាស់លាស់។
នៅក្នុងរបាយការណ៍ថ្មីបំផុតមួយ អង្គការតម្លាភាពអន្ដរជាតិ (TI) បានចង្អុលចំៗបណ្ដាប្រទេសជាសមាជិកEU រួមមាន៖ ប៊ុលហ្គារី សាធារណរដ្ឋស៊ីព ម៉ាល់តា និងក្រិក ដែលបានផ្ដល់សញ្ជាតិឱ្យក្រុមអ្នកមានមកពីរុស្ស៊ី ចិន ព័រទុយហ្គាល់ និងទ្វីបអាហ្រិ្វក ក៏ដូចជាប្រទេសមួយចំនួននៅអាស៊ីអាគ្នេយ៍ តាមរយៈកម្មវិធីទិដ្ឋាការមាស៕
សូយន