តាម Daily Mail ចុះផ្សាយ អ្នកស្ម័គ្រចិត្ត សញ្ជាតិអាមេរិក Michael Alfaro អាយុ ៣៣ឆ្នាំ ក្នុងពេលដើររុករកនៅភូមិ Sanamxai ខេត្ត Attapeu ដែលរងមហន្តរាយដោយការបាក់ទំនប់វារីអគ្គសនី កាលពីថ្ងៃទី ២២ ខែកក្កដា បានរកឃើញក្មេងប្រុសម្នាក់នៅមានដង្ហើមផ្តឹកៗ ក្នុងផ្ទះមួយ ដែលស្ងាត់ជ្រងំ ។ ក្មេងនេះអត់អាហារជាច្រើនថ្ងៃ ហើយកំពុងស្ថិតក្នុងសភាពខ្សោះជាតិទឹក ។
អ្នកស្ម័គ្រចិត្ត សញ្ជាតិអាមេរិក Michael Alfaro បានបីក្មេងតូចនេះដើរ ១គីឡូម៉ែត្រ ទៅកាន់មូលដ្ឋានសុខាភិបាល ។
លោក Alfaro ឲ្យដឹងថា នៅខណ់ពេលរកឃើញនាថ្ងៃទី ៣១ ខែកក្កដា ក្មេងប្រុសឡាវនេះ បានស្លាប់ក្រោមអាកាសធាតុ ៣៨ដឺក្រេសេ ។ លោកបានបីវាដើរជាង ១ គីឡូម៉ែត្រ ទៅកាន់ស្នាក់ការកងស្ម័គ្រចិត្ត កូរ៉េខាងត្បូង ។ បន្ទាប់ពីទទួលបានការព្យាបាលក្មេងនេះ មានសភាពល្អប្រសើរឡើងវិញហើយ ។
ក្រុមស្ម័គ្រចិត្តសុខាភិបាល បានសង្គ្រោះក្មេងប្រុសនោះ ។
លោក Alfaro ប្រាប់បន្ថែមថា ៖ ម្តាយរបស់ក្មេងប្រុសនេះក៏ស្ថិតនៅក្នុងផ្ទះដែលគេបោះបង់ចោលនោះដែរ ជាមួយកូន ២នាក់ទៀត ។ ម្តាយរបស់វាបានសម្រេចចិត្តរង់ចាំប្តីមកវិញ ក្រោយពេលទំនប់បាក់ ប៉ុន្តែនៅពុំទាន់ឃើញ ។
លោក Michael បារម្ភថា នៅមានក្មេងៗជាច្រើនទៀត ដែលវង្វេងពីឪពុកម្តាយ ហើយពុំទាន់ត្រូវបានរកឃើញ ។
នេះពិតជាសំណល់ជីវិត ពុំអាចនឹកស្មានដល់ ក្រោយសោកនាដកម្ម គួរឲ្យរន្ធត់ គ្រាដែលទឹករាប់ពាន់លានម៉ែត្រគូប បានជន់ពន្លិចភូមិករមួយចំនួន នៅខេត្ត Attapeu ប្រទេសឡាវ ៕ ចន្ទ្រា