ជនសង្ស័យ៣នាក់ ត្រូវបានសម្លាប់នៅទីសាធារណៈ និងបន្ទាប់មក ត្រូវបានចងព្យួរឡានស្ទួច នៅក្នុងប្រទេសយេម៉ែន កាលពីថ្ងៃម្សិលមិញ ជាការផ្តន្ទាទោសចំពោះការចាប់រំលោភ និងសម្លាប់ក្មេងប្រុសអាយុ ១០ ឆ្នាំ ម្នាក់ ។
រូបភាពគួរឲ្យរន្ធត់នេះ បានបង្ហាញឲ្យឃើញជនរំលោភស្ថិតក្នុងឈុតសម្លៀកបំពាក់ពណ៌ខៀវទាំងនេះ ត្រូវបានបណ្តើរនៅចំពោះហ្វូងមនុស្ស នៅកណ្តាលក្រុង Sana’a ដែលជាទីក្រុងដ៏ធំបំផុតនៃប្រទេសនេះ ។
ពួកគេត្រូវបានដាក់ខ្នោះដៃ និងបញ្ជាឲ្យឱនមុខចុះ រួចត្រូវបានបាញ់ប្រហារចំនួន ៥ គ្រាប់ នៅត្រង់បេះដូង ។
សាកសពរបស់ពួកគេ បន្ទាប់មកត្រូវចងព្យួរទៅនឹងដៃឡានស្ទួចមួយ ដើម្បីទុកជាការព្រមានដល់ជនល្មើសដែលមានសក្តានុពលផ្សេងទៀត ។
Yemen ស្ថិតនៅភាគខាងត្បូងនៃប្រទេសអារ៉ាប៊ីសាអូឌីត គឺជាប្រទេសមួយនៅលើពិភពលោក ដែលមានការកាត់ទោសប្រហារជីវិតពីបទឧក្រិដ្ឋកម្ម រួមទាំងឃាតកម្មរំលោភ និងអំពើភេរវកម្ម ។
ទោសប្រហារជីវិត ក៏អាចត្រូវបានប្រើក្នុងបណ្តាករណីនៃបទល្មើសអ៊ិស្លាម ឬ ‘Hudud’ ស្ថិតនៅក្រោមច្បាប់ Sharia ដូចជា៖ អំពើផិតក្បត់, ប្រព្រឹត្តមិនសមរម្យខាងផ្លូវភេទ, ប្រុសៗរួមភេទដូចគ្នា, អំពើពេស្យាចារ, ពាក្យបណ្ដាសា និងការដកខ្លួនចេញពីសាសនា ៕ ឧត្តម (Dailymail)
