ប្រភពពីស៊ីនហួ នៅថ្ងៃទី៩ខែសីហា ឱ្យដឹងថា កាសែតRodong Sinmunដែលជាសារព័ត៌មានផ្លូវការរបស់កូរ៉េខាងជើង បានអំពាវនាវឱ្យមានសេចក្ដីថ្លែងការណ៍បញ្ចប់សង្គ្រាមជាមួយអាមេរិក។ក្នុងបទវិចារណកថាមួយកាសែតនេះសរសេរថា ការបញ្ចប់សង្គ្រាមគឺជាជំហានដំបូងសំដៅធានាសន្ដិភាពនិងសន្ដិសុខ ពុំត្រឹមតែលើឧបទ្វីបកូរ៉េប៉ុណ្ណោះទេ គឺរួមទាំងតំបន់និង លើពិភពលោក។តាមកាសែតនេះ ប្រសិនបើការប្រឈមមុខដោយយោធារវាងកូរ៉េខាងជើងនិងអាមេរិកត្រូវបានបញ្ចប់ដោយ សេចក្ដីថ្លែងការណ៍មួយ នោះបរិយាកាសនឹងក្លាយជាងាយស្រួលដល់ការកសាងជំនឿទុកចិត្តគ្នា។
រដ្ឋាភិបាលកូរ៉េខាងជើងបានផ្ដើមសំណើអំពីសេចក្ដីថ្លែងការណ៍បញ្ចប់សង្គ្រាម ហើយយកសន្ធិសញ្ញាសន្ដិភាពមកជំនួស សន្ធិសញ្ញាផ្អាកសង្គ្រាម។នេះជាវិធីសមហេតុផលបំផុត ដើម្បីដោះគន្លឹះតានតឹង ហើយធានាដល់សន្ដិភាពយូរអង្វែងនៅឧបទ្វីបកូរ៉េ។យ៉ាងនេះក្ដី កាសែតនេះក៏បានកត់សម្គាល់ថា បញ្ហាពុំទាន់ត្រូវបានអនុវត្ដន៍ វាទាមទារឱ្យមានកិច្ចប្រឹងប្រែងរួមដើម្បីដោះស្រាយបញ្ហា។
ស្របពេលជាមួយគ្នានោះ ប្រព័ន្ធផ្សព្វផ្សាយរបស់បក្សពលករកូរ៉េ KCNA ឱ្យដឹងថា ក្រសួងការបរទេសប្រទេសនេះលើកឡើងថា មិនអាចសង្ឃឹមថាមានការលូតលាស់ក្នុងដំណើរការអនុវត្ដកិច្ចព្រមព្រៀង រំសាយនុយក្លេអ៊ែរនៃសន្និសីទកំពូលជាប្រវត្តិសាស្ដ្ររវាងអាមេរិកនិងកូរ៉េខាងជើងកាលពីខែមិថុនាកន្លងមកប្រសិនបើពុំមានការបន្ធូរទណ្ឌកម្មអន្ដរជាតិចំពោះកូរ៉េខាងជើងនោះទេ៕
សូយន