តុលាការនៅ New Delhi ឥណ្ឌាបានបដិសេធចោលនូវមាត្រាមួយចំនួននៃច្បាប់ប្រឆាំងស្មូម។នេះជាជោគជ័យធំធេងសម្រាប់សកម្មជនដើម្បីប្រយោជន៍អ្នកក្រីក្រនៅរដ្ឋធានីឥណ្ឌា។
តាមReuters ដែលដកស្រង់ខ្លឹមសារសាលក្រមរបស់តលាការកំពូល នៅថ្ងៃទី៩ ខែសីហា ប្រកាសពីមាត្រាមួយចំនួននៃក្រឹត្យច្បាប់ទប់ស្កាត់ការសុំទាននៅBombay ដែលត្រូវបានអនុម័តនៅឆ្នាំ១៩៥៩ ថាបានបំពានរដ្ឋធម្មនុញ្ញ។ ប្រធានតុលាការ Gita Mittal និងចៅក្រម Justice Hari Shankarបានអធិប្បាយក្នុងសាលក្រមកម្រាស់២៣ទំព័រថា «អ្នកសុំទានតាមដងវិថីពុំមែនដោយសារគេចង់ធ្វើបែបនេះទេ ប៉ុន្ដែពួកគេចាំបាច់ត្រូវតែធ្វើដូច្នេះ។ សុំទានគឺជាវិធីចុងក្រោយដើម្បីពួកគេអាចរកបានអាហារបរិភោគ»។
សាលក្រមខាងលើសង្កត់ធ្ងន់ថា៖«ចំពោះបញ្ហាចោទថាការសុំទានជាបទល្មើសគឺជាទស្សនវិស័យខុសឆ្គង ដោយការដោះស្រាយបញ្ហាពុំសម្លឹងឃើញមូលហេតុស៊ីជម្រៅ ហើយបានបំពានសិទ្ធិជាមូលដ្ឋានធំបំផុតរបស់បណ្ដាក្រុមមនុស្សងាយរងទទួលការខាតបង់»។
នៅឥណ្ឌាពុំមានច្បាប់សហព័ន្ធអំពីស្មូមសុំទានទេ ប៉ុន្ដែមានរដ្ឋប្រមាណ២០បានអនុម័តច្បាប់ Bombay ហើយបើតាមច្បាប់នោះអ្នកបំពានអាចត្រូវបានឃុំខ្លួនរយៈពេល៣-១០ឆ្នាំនៅក្នុងជំរំឃុំឃាំងបូក។
នៅNew Delhi បច្ចុប្បន្នមានជនអនាថា 46.724នាក់ ច្រើនបំផុតទូទាំងប្រទេស(តាមស្ថិតិឆ្នាំ២០១១)។ បណ្ដាអង្គការការពារសិទ្ធិរបស់អ្នកក្រីក្រលើកឡើងថា ជាក់ស្ដែងតួលេខនេះត្រូវគុណនឹង៣។
ព្រោះតែគ្មានកន្លែងជ្រកនៅពេលយប់ មនុស្សរាប់ពាន់នាក់ត្រូវដេកនៅតាមសំយាបផ្ទះ ជាហេតុធ្វើឱ្យប៉ូលិសអនុវត្តន៍ច្បាប់ខាងលើបាន៕
សូយន
