ពាណិជ្ជករហុងកុងម្នាក់បានត្រូវពួកចោរដោះយកនាឡិកានិងខ្សែកដែលមានតម្លៃជាង៥០០០០ដុល្លារ ព្រោះតែស្រវឹងជោកជាំ ដួលដេកនៅតាមចិញ្ចើមថ្នល់-នេះបើតាមកាសែតSouth China Morning Post ថ្ងៃទី៩ខែសីហា។
បុរស២នាក់បានដោះយកនាឡិកាតម្លៃ450.000 HKD និងខ្សែកមាសតម្លៃ20.000 HKD របស់ជនរងគ្រោះដែលស្រវឹងជោកជាំ ទ្រាំដេកសម្ងំតាមចិញ្ចើមថ្នល់ដែលមានមនុស្សកុះករ។
ហេតុការណ៍នេះកើតឡើងនៅអំឡុងម៉ោង៣ភ្លឺថ្ងៃទី៩ខែសីហា។ ប៉ូលិសឱ្យដឹងថា ព្រោះតែដោយសារនារីម្នាក់បានឃើញហេតុការណ៍កំពុងកើតឡើងចំពោះជនរងគ្រោះបានស្រែកខ្លាំងៗទាក់ទាញចំណាប់អារម្មណ៍របស់អ្នកដំណើរ។ពេលនោះអ្នកដំណើរប្រុស២នាក់បានស្កាត់ចាប់ជាប់ជនល្មើសម្នាក់ក្នុងពេលដែលជនល្មើសទី២បានរត់គេចខ្លួនរួចដោយនាំយកទាំងជយភណ្ឌទៅជាមួយ។
ការស៊ើបអង្កេតបឋមឱ្យដឹងថា ជនរងគ្រោះគឺជានាយកធនាគារមួយ អាយុ៣៧ឆ្នាំ ហើយបានដួលដេកលើផ្លួវព្រោះតែស្រវឹងខ្លាំងពេក។
មុនពេលកើតឡើងហេតុការណ៍នេះ នៅអំឡុងពេលម៉ោងប្រមាណ៧យប់ ចោរប្លន់មួយក្រុមបានឆ្មក់ចូលប្លន់ហាងប្ដូរប្រាក់មួយចម្ងាយប្រមាណ៨០០ម៉ែត្រពីទីនោះ ហើយយកបានវ៉ាលិស១ដែលមានសាច់ប្រាក់១០លនដុល្លារហុងកុង៕
សូយន
