នាវាPeak Pegasus ដែលដឹកសណ្ដែកសៀងមានតម្លៃជាង២០លានដុល្លាររបស់អាមេរិកបានចលនាគ្មានទីកំណត់មួយខែហើយលើសមុទ្រប៉ាស៊ីហ្វិក។នេះគឺជាជនរងគ្រោះនិមិត្ដរូបមួយនៃសង្គ្រាមពាណិជ្ជកម្មអាមេរិក-ចិន។
នាវាដែលផ្ទុកសណ្ដែកសៀងអាមេរិក 70.000 តោនបានប្រឹងទៅដល់កំពង់ផែ ប្រទេសចិនបានមុនថ្ងៃ៦ខែកក្កដា ខណៈពេលដែលអាមេរិកបានធ្វើការយកពន្ធលើទំនិញតម្លៃ៣៤០០០០លានដុល្លាររបស់ចិន ប៉ុន្ដែនាវានេះពុំបានទៅដល់មុនពេលដែលចិនបានធ្វើការវាយបក ក្នុងនោះអត្រាពន្ធសណ្ដែកសៀងនាំចូលពីអាមេរិក២៥ភាគរយ។
អត្រាពន្ធថ្មីនេះក្រុមហ៊ុននាំចូលត្រូវបង់ប្រាក់ពន្ធស្មើនឹង៦លានដុល្លារដែលជាចំនួនប្រាក់ពន្ធក្រុមហ៊ុនម្ចាស់ទំនិញមិនអាចធ្វើទៅបាន។ដូច្នេះជម្រើសចុងក្រោយ នាវានះតែចលនាវិលៗក្នុងតំបន់សមុទ្រចិនអស់ជាងមួយខែកន្លងមកហើយ ព្រោះពួកគេពុំទាន់រកច្រកចេញឃើញ។អំឡុងពេលនេះក្រុមហ៊ុនត្រូវសងថ្លៃឈ្នួលនាវា12.500 USDក្នុងមួយថ្ងៃ ដែលមកទល់ពេលនេះគឺបានចំណាយអស់400.000 USD. មកហើយ។
យ៉ាងនេះក្ដី តាមអ្នកជំនាញការលើកឡើងថា ទោះបីជាត្រូវនៅលើសមុទ្រច្រើនខែទៀត ក៏វាប្រសើរជាងបើគណនាតាមក្បួនហិរញ្ញវត្ថុ។ អ្នកវិភាគបានលើកឡើងថា សណ្ដែកសៀងគឺជាវត្ថុធាតុដើមសំខាន់សម្រាប់ផលិតប្រេងឆា ប្រេងម៉ាស៊ូតជីវសាស្ដ្រ កែច្នៃអាហារចិញ្ចឹមសត្វ ពិសេសគឺជ្រូក ដែលជាប្រភពផ្គត់ផ្គង់សាច់សំខាន់បំផុតនៅចិន។ម្យ៉ាងទៀត នៅអំឡុងខែនេះប្រភពសណ្ដែកសៀងដែលចិនទិញពីប្រទេសប្រេស៊ីលគឺរីងស្ងួតហើយ ហើយទោះបីជាមុននោះក្រុមហ៊ុនចិនបានជំរុញខ្លាំងក្លាប្រមូលទិញសណ្ដែកសៀងមកស្ដុកទុកមុនពេលគិតអត្រាពន្ធ២៥ភាគរយដើម្បីតបតនឹងអាមេរិកក្ដី ក៏ពុំប្រាកដថាវាគ្រប់គ្រាន់សម្រាប់តម្រូវការសណ្ដែកសៀងសម្រាប់ប្រទេសនេះដែរ។
លើបញ្ហាសណ្ដែកសៀងនាំចូលពីអាមេរិក ពុំមែនមានតែក្រុមហ៊ុនមួយនេះទេ មុននោះមាននាវាមួយឈ្មោះថា Dalian Star Jennifer បានរសាត់អណ្ដែតលើសមុទ្រកន្លះខែមុនដែរ ។
នេះគឺជាលទ្ធផលបឋម ជាក់ស្ដែងនៃសង្គ្រាមពាណិជ្ជកម្មអាមេរិកនិងចិន៕
សូយន
