ប្តីប្រពន្ធអាមេរិក១គូនេះ អាចត្រូវជាប់គុកអស់១ជីវិត ក្រោយពេលពុំស្វះស្វែងជួយកូនស្រី ថែមទាំងបង្អត់អាហាររហូតដល់បាក់កម្លាំងស្លាប់ ។
ប្តីប្រពន្ធនេះ ប្រហែលពុំនឹកស្មានថា ការស្លាប់របស់កូនស្រី ធ្វើឲ្យពួកគេត្រូវជាប់គុកមួយជីវិតសោះ ។
Seth Welch និង atiana Fusari សុទ្ធសឹងមានអាយុ ២៧ឆ្នាំ ហើយនៅថ្ងៃទី ៦ ខែសីហា កន្លងមកទើបត្រូវបានចោទប្រកាន់ទោសសម្លាប់មនុស្ស និងធ្វើបាបក្មេងកម្រិត ១ បន្ទាប់ពីកូនស្រីរបស់ពួកគេ នាងតូច Mary Anne ត្រូវបានរកឃើញថា បាក់កម្លាំងខ្លាំង ហើយបានស្លាប់នៅផ្ទះរបស់ជនទាំង២ នាសង្កាត់ Kent ភាគខាងលិចរដ្ឋ Michigan ។
ពេលឮអយ្យការចោទប្រកាន់ទោស នាងជាប្រពន្ធបានស្រក់ទឹកភ្នែក ខណៈបុរសជាប្តីចំហមាត់ធ្លុង ។
តាម Metro ដកស្រង់បទចោទប្រកាន់ថា ៖ “នាង Taiana Fusari បានសារភាពពេលសួរចម្លើយថា មូលហេតុដែលប្តីប្រពន្ធពួកគេ ពុំស្វែងរកជំនួយពីផ្នែកសុខាភិបាល ព្រោះខ្លាចកូនស្រីត្រូវបុគ្គលិកសេវាការពារក្មេងៗនាំយកទៅ ហើយក្រៅពីលើកឡើងនូវមូលហេតុ “សាសនា” ផ្សេងទៀតនោះ គឺពួកគេពុំមានជំនឿលើគុណភាពសេវាសុខាភិបាល ប្រចាំតំបន់នោះ” ។
ក្មេងស្រីស្គមស្គាំង មុនពេល… លាចាកលោក ។
រហូតដល់ថ្ងៃទី ២ ខែសីហា ទើបពួកគេទូរស័ព្ទទៅកាន់សមត្ថកិច្ច ហើយពេលសមត្ថកិច្ចទៅដល់ឃើញក្មេងស្រីស្ថិតក្នុងសភាពស្គមកំព្រឹង និងស្លាប់បាត់ទៅហើយ ។ ក្រោយការធ្វើកោសល្យវិច្ច័យដឹងថា នាងស្លាប់ព្រោះ…អត់ឃ្លាន ។
មុនហោះលើគណនី Face book របស់បុរសជាប្តីគេឃើញមានបង្ហោះផ្សាយវីដេអូជាច្រើនថា ខ្លួនគេពុំមានជំនឿលើវេជ្ជបណ្ឌិតទេ ។
សវនការ និងបើកនៅថ្ងៃទី ២០ ខែសីហា សង្ឃឹមថា ប្តីប្រពន្ធសាវ២រូបនេះ នឹងបញ្ចប់ជីវិតក្នុងពន្ធនាគារ ៕ ចន្ទ្រា