ប្រព័ន្ធព័ត៌មានថៃឱ្យដឹងថា តារាសម្ដែងស្រស់សង្ហា Chirachpisis Charawichit ឬហៅថា Boom បានត្រូវចាប់ខ្លូនជាបន្ទាន់ នាមជ្ឈមណ្ឌលពាណិជ្ជកម្មមួយនៅក្រុងបាងកកពេលដែលគាត់កំពងថតខ្សែភាពយន្ដទូរទស្សន៍ក្នុងមជ្ឈមណ្ឌលពាណិជ្ជកម្មមួយ។
ប៉ូលិសឱ្យដឹងថា តារាសម្ដែងរូបនេះត្រូវចាប់ខ្លួនព្រោះទាក់ទិនដល់ការលាងលុយកខ្វក់និងបោកបញ្ឆោតវិនិយោគទុនបរទេស ព្រមទាំងបានកេងប្រវញ្ចយកលុយដល់ទៅ៨០០លានបាត។
បច្ចុប្បន្ននេះតារាសម្ដែងខាងលើនៅបន្ដធ្វើការប្រកែកនិងបដិសេធចោលទាំងស្រុងរាល់ការចោទប្រកាន់។លោកអះអាងថា ខ្លួនពុំមានការពាក់ព័ន្ធ ហើយបណ្ដាគណនីនៅធនាគារដែលខ្លួនឈរឈ្មោះនោះគឺត្រូវបានឱ្យបងប្រុសចាត់ចែងប្រើប្រាស់។
ប៉ុន្ដែពេលនេះបងប្រុសរបស់Boom បានរត់គេចចេញទៅបរទេស ហើយពុំអាចទាក់ទងបាន។បងស្រីរបស់Boom ក៏បានទាក់ទងជាមួយបងប្រុសដើម្បីអំពាវនាវឱ្យចូលខ្លួនមកសារភាព។
ឧត្ដមសេនីយ៍ត្រី Maitree Chimachart ឱ្យដឹងថា ប៉ូលិសបានចាប់ខ្លួនតារាសម្ដែងកើតឆ្នាំ១៩៩១នេះរួមជាមួយអ្នកសមគំនិត២នាក់ទៀត។អ្នកនោះឯងបានទម្លាយថា ក្រុមមុខសញ្ញាបានធ្វើការឆបោកតាមរយៈប្រព័ន្ធ bitcoin ។
នៅពេលបង្ហាញមុខថ្មីបំផុតកាលពីថ្ងៃទី១០សីហានេះ តារាសម្ដែងខាងលើបានឱនមុខជ្រុប ហើយបដិសេធពុំឆ្លើយបនឹងសំណួរទាំងអស់។
Charawichit (បង) កើតនៅថ្ងៃ៨សីហា១៩៩១ ក្រុងបាងកក គឺជាតារាសម្ដែងភាពយន្ដទូរទស្សន៍កំពុងល្បីល្បាញម្នាក់។មុននោះលោកបានសម្ដែងក្នុង Show ផ្សាយពាណិជ្ជកម្មនិងធ្វើជាតារាបង្ហាញម៉ូត។
លោកធ្លាប់សម្ដែងក្នុងបណ្ដាភាពយន្ដ ដូចជា Bad Romance The Series, My Dream The Series, War Off High School… ៕
សូយន