Danny Gonzalezអាយុ២៧ឆ្នាំ បានរៀបចំឆាកស្លាប់របស់ខ្លួនឯងដោយពឹងពាក់ឱ្យគេថតរូប ហើយបញ្ជូនរូបនេះទៅឱ្យប្រពន្ធ -នេះបើតាមការចុះផ្សាយរបស់កាសែត The Sun កាលពីថ្ងៃទី៩សីហា។
រឿងហេតុគឺ ព្រោះតែភរិយារបស់គាត់ចេះតែទូរស័ព្ទទារលុយមិនឈប់ឈរខណៈពេលលោកកំពុងធ្វើការនៅអាមេរិក។ទ្រាំលែងបាន លោកបានប្រឌិតព័ត៌មានថាបានលោកស្លាប់ដោយជំងឺមហារីកនិងហឺត។
ស្មានមិនដល់ថាម្ដាយឳពុករបស់លោកDanny ពេលទទួលបានព័ត៌មាននេះ មានការភ័យរន្ធត់ដល់ថ្នាក់ត្រូវនាំយកទៅសង្គ្រោះ។
ទោះបីយ៉ាងនេះក្ដី ក៏ឈុតឆាកខាងលើត្រូវបានបកអាក្រាតក្រោយមកមិនយូរប៉ុន្មាន ព្រោះតែភរិយាលោកនិងមិត្ដភក្ដិបានពិនិត្យឃើញថា មុខរបស់លោកហាក់ដូចជាកំពុងញញឹម មិនដូចមនុស្សស្លាប់សោះ ម្យ៉ាងទៀតគ្រែដែលលោកដេកគឺជាគ្រែសម្រាប់មនុស្ស២នាក់ មិនមែនជាគ្រែពេទ្យនោះឡើយ។លើសពីនេះទៀត វាមិនដែលមានរឿងអ្នកស្លាប់ដែលដាក់ខ្នើយឱកើយនោះទេ។
ក្រោយពេលត្រូវបកអាក្រាត Danny បានចែករំលែកប្រាប់ស្ថានីយទូរទស្សន៍ថា រៀងរាល់ថ្ងៃសៅរ៍ណាក៏ដោយភរិយាខ្ញុំតែងទូរស័ព្ទជជីកសួររឿងលុយកាក់ ហើយតម្រូវឱ្យខ្ញុំផ្ញើលុយឱ្យនាង ហើយត្រូវតែប្រឹងផ្ញើឱ្យបានច្រើនជាងនេះទៀត។ទន្ទឹមនោះនាងពុំដែលសួរសុខទុក្ខឬផ្ញើរូបភាពអ្វីជាការបង្ហាញក្ដីនឹករលឹកចំពោះស្វាមីឡើយ។ នាងបានឱ្យខ្ញុំផ្ញើទូរស័ព្ទចល័តមួយ ប៉ុន្ដែមកទល់ពេលនេះខ្ញុំផ្ញើដល់ទៅ៦គ្រឿងហើយ ព្រោះលើកណាក៏នាងថាទូរស័ព្ទត្រូវចោរលួចបាត់។
យ៉ាងនេះក្ដី ក៏ប្រជាសហគមន៍របស់លោកបានរិះគន់ចំពោះទង្វើខាងលើ ពិសេសចំពោះឪពុកម្ដាយបង្កើតដែលបានភិតភ័យរហូតធ្លាក់ខ្លួនឈឺចូលមន្ទីរពេទ្យ។ហេតុអ្វីមិននិយាយត្រង់ៗទៅ?
សូយន