នេះជារឿងរ៉ាវដ៏គួរឲ្យតក់ស្លុតមួយ ខណៈដែលស្ត្រីម្នាក់នៅក្នុងទីក្រុង Phuket ប្រទេសថៃ បានធ្លាក់ទៅក្នុងស្ថានភាពហើមភ្នែកស្ពុរ បន្ទាប់ពីត្រូវបានដាក់ភ្ជាប់រោមភ្នែកក្លែងក្លាយ ជាមួយកាវវិទ្យាសាស្ត្រ (super glue) ។
លទ្ធផលនេះអាចត្រូវបានឃើញនៅក្នុងវីដេអូរីករាលដាលមួយ ដែលបានបង្ហាញឲ្យឃើញស្ត្រីម្នាក់ដេក សម្រាប់ដំណើរការដកចេញបណ្តាលឲ្យឈឺចាប់ទាំងទឹកភ្នែក ។
Fara ជាអ្នកកែសម្ផស្សម្នាក់ ដែលបានធ្វើកិច្ចការដ៏ក្លាហាននេះ ក្នុងការដកចេញរោមភ្នែកក្លែងក្លាយ បាននិយាយថា ស្ត្រីម្នាក់បានរត់មកកាន់ហាងរបស់នាង ដើម្បីឲ្យជួយបញ្ហារបស់នាង កាលពីថ្ងៃសុក្រ ។
Fara បានដឹងថា ជំនួសឲ្យកាវកែសម្ផស្សត្រឹមត្រូវ នោះអ្នកកែសម្ផស្សឲ្យនាង បានប្រើកាវកំពូលស្អិតបិទ (super glue) ដើម្បីភ្ជាប់ផ្នែករោមភ្នែកតែម្តង ។
លទ្ធផល ភ្នែកទាំងសងខាងរបស់នាងត្រូវបានហើមស្ពុរ ។
Fara បានពណ៌នាបញ្ហានេះថាជាករណីដ៏លំបាកបំផុតមួយ ដែលនាងបានជួបប្រទះនៅក្នុងបទពិសោធន៍ការងារកែសម្ផស្សរបស់នាងអស់រយៈពេល ១ ទសវត្សរ៍មកនេះ ។
នៅពេលស្ត្រីរងគ្រោះបានមកដល់ហាងរបស់នាង កាវនោះបានរឹងរួចទៅហើយ ។ ដើម្បីដោះស្រាយបញ្ហានេះ Fara ត្រូវប្រើដំដោះស្រាយជាក់លាក់មួយ ដើម្បីធ្វើឲ្យកាវនោះទន់ឡើងវិញ ។
បន្ទាប់ធ្វើតាមដំណោះស្រាយនោះ នាងអាចចាប់ផ្តើមដកចេញផ្នែកនៃរោមភ្នែក តាមរយៈដង្ហៀបចាប់ ។
ទោះយ៉ាងណា Fara បានចែករំលែកវីដេអូនេះ ដើម្បីជាការព្រមាន និងទទួចដល់អ្នកដទៃ ត្រូវធ្វើការស្រាវជ្រាវឲ្យបានល្អិតល្អន់ មុនពេលជ្រើសរើសណាមួយកែសម្ផស្ស ៕ ចន្ទី (nextshark)
