នៅលើផ្លូវទៅយកកូនៗ២នាក់របស់ខ្លួនពីសាលារៀន ស្ត្រីម្នាក់រស់នៅតំបន់ Klang ត្រូវបានចោរជិះម៉ូតូ២នាក់ឆក់ខ្សែកយ៉ាងសាហាវ បន្ទាប់ពីពួកវាបានធ្វើសកម្មភាពតាមដានរួច (គ្មានឱកាស) ខណៈនាងកំពុងដើរនៅលើដងផ្លូវ ។
តាមរយៈវីដេអូឃ្លីបពីកាមេរ៉ាឃ្លាំមើល បានបង្ហាញឲ្យឃើញបុរស២នាក់ ដែលពាក់មូកសុវត្ថិភាពទាំងអស់គ្នា បានជិះម៉ូតូចេញផ្លូវខាងក្រោមមួយ រួចបត់ស្តាំ និងប៉ុន្មានវិនាទីក្រោយមក ក៏បានត្រឡប់មកវិញ និងបត់ស្តាំឆ្ពោះមកចាំកន្លែងធ្វើសកម្មភាពមុន បន្ទាប់ពីពួកគេបានប្រទះឃើញស្ត្រីរងគ្រោះកំពុងដើរ ជាមួយខ្សែកដ៏ធំ ។
ខណៈពេលដែលស្ត្រីរងគ្រោះបានដើរមកដល់កន្លែងឱកាសល្អ រួមជាមួយស្ត្រីចំណាស់ម្នាក់ដើរតាមពីខាងក្រោយ ពួកគេក៏ចាប់ផ្តើមចេញម៉ូតូ ជិះទៅឈប់ពីមុខនាង និងចាប់ផ្តើមធ្វើសកម្មភាពឆក់ខ្សែកពីនាងយ៉ាងសាហាវ ។ ពួកវាបានបើកម៉ូតូគេចខ្លួនយ៉ាងលឿនដោយសុវត្ថិភាព បើទោះបីបុរសម្នាក់ត្រូវបានឃើញស្ទុះដេញតាមស្ទាក់ដំណើរពួកគេក៏ដោយ ។
ទោះយ៉ាងណា គេក៏ពុំដឹងថា ស្ត្រីរងគ្រោះបានបាត់បង់ខ្សែកប្រភេទអ្វី និងមានតម្លៃប៉ុន្មាននោះទេ នៅក្នុងហេតុការណ៍ដ៏សាហាវនេះ ៕ ឧត្តម (coconuts)