ព្រោះតែទាល់ច្រក ក្រុមគ្រួសារនៅប្រទេសចិនមួយនេះ បានសម្រេចចិត្តលើកស្លាកពពាយនាយលក់កូនស្រីយកលុយព្យាបាលជំងឺឲ្យកូនប្រុស ។
បុរសជាឪពុកកាន់ស្លាក “លក់កូនស្រីសង្គ្រោះកូនប្រុស”!
រូបភាពខាងលើបានរីករាលដាលយ៉ាងលឿនលើបណ្តាញសង្គមចិន ។ ខ្លឹមសារសរសេរលើស្លាកនេះប្រាប់ថា ៖ កូនប្រុសអាយុ ៤ឆ្នាំ មានជំងឺមហារីកឈាម ហើយគ្រួសារពុំមានលទ្ធភាពដើម្បីបង់ថ្លៃព្យាបាល ។ ហេតុនេះ ពួកគេសម្រេចចិត្តប្តូរកូនស្រីដើម្បីយកលុយព្យាបាលកូនប្រុស ! ។
ហេតុការណ៍នេះ កើតឡើងនៅក្រុងចេងឌូ ខេត្ត ស៊ឺជាំង ។តាមកិច្ចសម្ភាសន៍របស់ Beijing Youth Daily ស្ត្រីជាម្តាយប្រាប់ថា ៖ ស្លាក់នេះត្រូវបានសរសេរក្នុងខណៈពេលអស់សង្ឃឹមបំផុត បំណងទាក់ទាញចំណាប់អារម្មណ៍របស់មហាជន ។ នាងថា ខ្លួនឯងនិងស្វាមីពុំដែលថ្លឹងថ្លែងពីរឿងលក់កូនស្រី ដើម្បីសង្គ្រោះកូនប្រុសេ! ។ បំណកស្រាយនេះ បានបញ្ឆេះកំហឹងសាធារណៈជនភ្លាម ព្រោះបែបនេះបញ្ជាក់ថា ពួកគេជាជនឆបោក ឬជាអ្នកជួញដូរកូនក្មេង ។
តាមពិតទៅគ្រួសារនេះ កំពុងជំពាក់បំណុលព្យាបាលនៅមន្ទីរពេទ្យយ៉ាងច្រើនមែន ។ ពួកគេបានអំពាវនាវសុំវិភាគទានបានប្រហែល ៩០.០០០យាន់ហើយ (១៣.០០០ដុល្លារ) តែទើបទទួលបាន ៥០.០០០យាន់ ព្រោះគណនេយ្យសុំវិភាគទានប្រទះនឹងភាពរអាក់រអួល ។
រឿងបែបនេះពុំមែនជាលើកដំបូងនៅប្រទេសចិនទេ វានៅមានករណីខ្លោចផ្សារបែបនេះ ច្រើនជាងហ្នឹងទៀត! ៕ ចន្ទ្រា
