ខេត្តកំពង់ចាម ៖ ស្នងការដ្ឋាននគរបាលខេត្តកំពង់ចាម បានឲ្យដឹងថា កម្លាំងជំនាញខេត្ត សហការជាមួយកម្លាំងជំនាញស្រុកកងមាស និងស្រុកព្រៃឈរ បើកកិច្ចប្រតិបត្តិការបង្ក្រាបករណី ជួញដូរដោយខុសច្បាប់នូវសារធាតុញៀន ដោយប្រើវិធានញុះញង់ ១ករណីដោយបានឃាត់ខ្លួនជនសង្ស័យ៦នាក់ រួមជាមួយនឹងវត្ថុតាង។ ការបង្ក្រាបនេះករណីគ្រឿងញៀននេះ ដោយមានបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ស្នងការ នៅថ្ងៃទី១២ ខែសីហា ឆ្នាំ២០១៨ វេលាម៉ោង១២និង៣០នាទី នៅចំណុចភូមិអូរកណ្តុរ ឃុំព្រែកក្របៅ ស្រុកកងមាស ខេត្តកំពង់ចាម។
ជនសង្ស័យ៦នាក់ ១-ឈ្មោះ ឈាង សុខខាន ហៅ វិន ភេទប្រុស អាយុ៣៧ឆ្នាំ នៅភូមិពោធិ៍សាលាទី១ ឃុំព្រែកក្របៅ ស្រុកកងមាស ២-ឈ្មោះ ចន ចាន់នី ភេទប្រុស អាយុ៣៦ឆ្នាំ ៣-ឈ្មោះ លី ចាន់ថា ភេទប្រុស អាយុ៣១ឆ្នាំ នៅភូមិ ទាំង០២នាក់ មានទីលំនៅភូមិអូរកណ្តុរ ឃុំព្រែកក្របៅ ស្រុកកងមាស ខេត្តកំពង់ចាម ៤-ឈ្មោះខុន សុខហាន ភេទប្រុស អាយុ១៩ឆ្នាំ នៅភូមិដំណាក់ល្អិត ឃុំរកាគយ ស្រុកកងមាស ៥-ឈ្មោះ វេត ចាន់ឌី ភេទប្រុស អាយុ ២៨ឆ្នាំ ៦-ឈ្មោះ ខុន លាក់ ភេទប្រុស អាយុ ២៨ឆ្នាំ ទាំង០២នាក់ នៅភូមិរមូល ឃុំរអាង ស្រុកកំពង់សៀម និងបានរឹបអូសវត្ថុតាងរួមមាន ម្សៅក្រាមពណ៌សសង្ស័យថ្នាំញៀន៣កញ្ចប់ ទូរស័ព្ទដៃ៥គ្រឿង ឧបករណ៍សេពមួយសម្រាប់ អាវុធកែច្នៃ(កាំភ្លើងខ្យល់)១ដើម និងម៉ូតូ១គ្រឿង។
បច្ចុប្បន្នជនសង្ស័យទាំង៦នាក់ ត្រូវបានឃាត់ខ្លួនបណ្តោះអាសន្ន ដើម្បីស្រាវជ្រាវបន្តនិងកសាងសំណុំរឿងតាមនីតិវិធី៕ ដោយ៖បញ្ញាស័ក្តិ
