ការរៀបមង្គលការគឺរឿងថ្លៃថ្នូរមួយ ហើយមនុស្សគ្រប់ៗគ្នាតែងត្រូវចំណាយប្រាក់ជាច្រើនសម្រាប់ឱកាសដ៏ពិសេសនេះ ។ ទោះយ៉ាងណា សម្រាប់អ្នក Selangor ឥឡូវនេះ ពួកគេពិតជាអាចត្រូវបានផ្តល់រង្វាន់ពីរដ្ឋសម្រាប់ពិធីមង្គលការរបស់ពួកគេ ។
រដ្ឋាភិបាលរដ្ឋ Selangor បានបង្កើតកម្មវិធីលើកទឹកចិត្តមួយសម្រាប់អ្នក និងប្តីប្រពន្ធរបស់អ្នក នឹងត្រូវបានផ្តល់នូវទឹកប្រាក់ក្នុងម្នាក់ៗ RM500 (ប្រហែល ១២០ ដុល្លារ) ប្រសិនអ្នករៀបការមុនអាយុ ៣៥ ឆ្នាំ ។ ដូច្នេះ អ្នកអាចទទួលបានលុយសរុបចំនួន RM1,000 (ប្រហែល ២៤០ ដុល្លារ) ។ ប៉ុន្តែ អ្នកអាចមានសិទ្ធិទទួលបានលុយនេះ ដរាបណាអ្នកដាក់ពាក្យសុំ ក្នុងរយៈពេលមួយឆ្នាំនៃថ្ងៃរៀបការរបស់អ្នក ។ លើសនេះ អ្នកក៏អាចដាក់ពាក្យសុំតាមរយៈអ៊ិនធើរណែតផងដែរ ។
ខាងក្រោមនេះគឺជាលក្ខខណ្ឌសម្រាប់បេក្ខជនដែលមានលក្ខណៈសម្បតិ្តគ្រប់គ្រាន់៖
១- ជាអ្នកមានសញ្ជាតិម៉ាឡេស៊ី
២- កើតនៅក្នុងរដ្ឋ Selangor
៣- ប្រសិនមិនកើតនៅក្នុង Selangor ប៉ុន្តែ ត្រូវមានអស័យដ្ឋាននៅ Selangor នៅក្នុង MyKad ឬ បានរស់នៅក្នុង Selangor រយៈពេលយ៉ាងតិច ១០ ឆ្នាំ (ត្រូវការការបញ្ជាក់លិខិតពាក់ព័ន្ធ)
៤- ត្រូវមានអាយុក្រោម ៣៥ ឆ្នាំ នៅពេលដាក់ពាក្យស្នើសុំ
៥- សម្រាប់អាពាហ៍ពិពាហ៍លើកដំបូងប៉ុណ្ណោះ
៦- ពាក្យស្នើសុំអាចត្រូវបានធ្វើក្នុងរយៈពេលត្រឹមតែ ១២ ខែ ចាប់ពីថ្ងៃរៀបការរបស់អ្នក
៧- ពាក្យស្នើសុំត្រូវតែមាន មុនរយៈពេល១២ខែបានឆ្លងការអនុម័ត
៨- កាលកំណត់រយៈពេល ១២ ខែ សម្រាប់ពាក្យស្នើសុំរៀបការចាប់ពីថ្ងៃទី០១ ខែមករា ឆ្នាំ២០១៧ ៕ ចន្ទី (worldofbuzz)