ភ្នំពេញ ៖ យោងតាមរបាយការណ៍ពីនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិបាន ឱ្យដឹងថា នៅថ្ងៃទី១២ ខែសីហា ឆ្នាំ២០១៨ មានករណីគ្រោះថ្នាក់ចរាចរនៅទូទាំងប្រទេសកើតឡើង ចំនួន១៦លើក(យប់២លើក) បណ្តាលឲ្យមនុស្សស្លាប់ ១១នាក់ (ស្រីម្នាក់) រងរបួសធ្ងន់១៥នាក់ (ស្រី២នាក់) និងរងរបួសស្រាល៦នាក់(ស្រី២នាក់)។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ១៣នាក់ ( យប់១០នាក់ )។
មូលហេតុដែលបណ្តាលឲ្យកើតមានករណីគ្រោះថ្នាក់ចរាចរណ៍រួមមានៈ ល្មើសល្បឿន ៧លើក (ស្លាប់៥នាក់) មិនគោរពសិទ្ធ ១លើក (ស្លាប់ម្នាក់) ប្រជែង ២លើក(ស្លាប់ម្នាក់) មិនប្រកាន់ស្តាំ ៣លើក(ស្លាប់២នាក់) បត់គ្រោះថ្នាក់ ២លើក(ស្លាប់ម្នាក់) កត្តាយាន១លើក (ស្លាប់ម្នាក់)។
នៅក្នុងហេតុការណ៍គ្រោះថ្នាក់ចរាចរ១៦លើកនេះ បណ្តាលឲ្យខូចខាតយានយន្ត សរុបចំនួន ៣៣គ្រឿង រួមមាន ម៉ូតូ ចំនួន១៤គ្រឿង , រថយន្តធុនតូច ចំនួន១១គ្រឿង និងរថយន្តធំ ៤គ្រឿងនិងយានផ្សេងៗ៤គ្រឿង។យានយន្តដែលបង្កហេតុ រួមមាន ម៉ូតូ ៧លើករថយន្តធុនតូច ចំនួន៦លើក គោយន្ត១លើក ថ្មើរជើង២លើក។ គ្រោះថ្នាក់នៅលើដងផ្លូវ រួមមាន ផ្លូវជាតិ ចំនួន១២លើក ផ្លូវខេត្ត ៣លើក ផ្លូវលំ ២លើក។ រាជធានី-ខេត្ត ដែលមានគ្រោះថ្នាក់និងរងគ្រោះថ្នាក់ រួមមាន ៖ ភ្នំពេញ ៤លើក ស្លាប់៤នាក់ របួស៣នាក់ ស្វាយរៀង ២លើក ស្លាប់២នាក់ កំពង់ធំ ២លើក ស្លាប់ម្នាក់ របួស២នាក់ ក្រចេះ ២លើក ស្លាប់ម្នាក់ របួស៩នាក់(ស្រី៣នាក់) ព្រះសីហនុ ១លើក ស្លាប់ម្នាក់(ស្រី) របួសម្នាក់ ស្ទឹងត្រែង១លើក ស្លាប់ម្នាក់ របួសម្នាក់ និងខេត្តបន្ទាយមានជ័យ ១លើក ស្លាប់ម្នាក់។
តាមរបាយការណ៍គ្រោះថ្នាក់ចរាចរទូទាំងប្រទេសរយៈពេល១២ថ្ងៃ គិតចាប់ពីថ្ងៃទី១ ខែសីហា ដល់ថ្ងៃទី១២ ខែសីហា ឆ្នាំ២០១៨ មានគ្រោះថ្នាក់ចំនួន ៩៩លើក ស្លាប់ចំនួន៥០នាក់ របួសសរុបចំនួន១២៥នាក់ របួសធ្ងន់ ៨១នាក់ របួសស្រាលចំនួន៤៤នាក់ ។
លទ្ធផលត្រួតពិនិត្យការអនុវត្តច្បាប់ចរាចរណ៍ថ្ងៃទី១២ ខែសីហា ឆ្នាំ២០១៨ គិតពីម៉ោង១៤ ថ្ងៃទី១១ ខែសីហា ដល់ម៉ោង១៤ ថ្ងៃទី១២ខែសីហា ឆ្នាំ២០១៨ រួមមាន ៖ មធ្យោបាយចូលគោលដៅ ១៦៩៥ គ្រឿង (ម៉ូតូ៥២%) មធ្យោបាយល្មើស ១៥៥គ្រឿង (ម៉ូតូ៧០%) អប់រំ ៦៧គ្រឿង (ម៉ូតូ៤៣%) ពិន័យ ៨៨ គ្រឿង (ម៉ូតូ១០០%) ៕ ដោយ ៖ កូឡាប
