Chase Kennedy គឺជាស្ត្រីម្នាក់ដែលមនុស្សម្នាគ្រប់គ្នាតែងតែសម្គាល់ឃើញមុនគេ នៅពេលនាងឈរនៅក្នុងហ្វូងមនុស្ស ដោយសារតែកម្ពស់ដ៏ខ្ពស់របស់នាង។ នាងគឺជាស្ត្រីដ៏ខ្ពស់ម្នាក់ក្នុងចំណោមស្ត្រីៗដែលខ្ពស់បំផុតនៅសហរដ្ឋអាមេរិច។ នាងមានកម្ពស់ ១.៩៨ ម៉ែត្រ ហើយនាងគឺជាស្ត្រីដែលមានជើងវែងបំផុតនៅក្នុងប្រទេស ដោយមានប្រវែង ១.២៩ម៉ែត្រ។
Kennedy ដែលបច្ចុប្បន្នស្ថិតក្នុងវ័យជាង ២០ឆ្នាំ តែងតែជួបរឿងសើចចំអកជាច្រើននៅពេលនាងនៅតូច។ នាងគឺជាស្ត្រីដែលតែងតែខ្ពស់ជាងគេជានិច្ច ហើយខ្ពស់ជាងសូម្បីប្រុសៗ។
ក្មេងដទៃតែងតែសើចចំអកដល់នាង ដោយហៅនាងថា សត្វកវែង មនុស្សមានជើងវែងតូច ជាដើម។ នាងតែងតែមានក្តីសុបិន្តចង់បានជើងខ្លី ដូច្នេះនាងអាចបត់បែនបានស្រួល។ ប៉ុន្តែមានមុខវិជ្ជាមួយដែលនាងធ្វើបានល្អឥតខ្ជោះ នោះគឺកីឡា ដូចជាបាល់ទះ និងបាល់បោះជាដើម ហើយទីបំផុតទើបនឹងដឹងថា កម្ពស់របស់នាងអំណោយផលល្អ។
នៅពេលនាងធំពេញវ័យ ការមានស្នេហាគឺជាបញ្ហាធំ ដោយសារតែនាងមិនអាចរកដៃគូរណាបាន មានកម្ពស់សាកសមនឹងនាង។
នាងក៏ជួបបញ្ហាក្នុងវិស័យបង្ហាញម៉ូតផងដែរ។ ភ្នាក់ងារជាច្រើនប្រាប់នាងថា ពួកគេមិនដឹងថា ត្រូវធ្វើអ្វីនោះទេ ជាមួយកម្ពស់របស់នាង ប៉ុន្តែនាងបានជួបរឿងល្អនៅក្នុងសហរដ្ឋអាមេរិច និងអ៊ឺរ៉ុប ដោយសារតែនាងទទួលបានការចាប់អារម្មណ៍ពីភ្នាក់ងារជាច្រើនចំពោះជើងដ៏វែងរបស់នាង។
បច្ចុប្បន្ន នាងជាអ្នកបង្ហាញម៉ូតដ៏ជោគជ័យម្នាក់៕ សុភ័ក្ត្រ
ប្រភព៖ Good Times