បុរសអាយុ ៤០ ឆ្នាំ ម្នាក់ ត្រូវបានចាប់ខ្លួន បន្ទាប់ពីធ្វើសកម្មភាពប្លន់សាខាធនាគារបាងកកមួយ នៅក្នុងសង្កាត់ Bang Khen នៃទីក្រុងបាងកក ប្រមូលលុយជាសាច់ប្រាក់អស់ចំនួន ៥៧,០០០ បាត កាលពីយប់ថ្ងៃអាទិត្យ និងគំរាមបំផ្ទុះគ្រាប់បែកដែលគាត់កំពុងបានកាន់នៅដៃ ។
ជនល្មើសឈ្មោះ Chayan Malithong ត្រូវបានចាប់ខ្លួនដោយប្រជាពលរដ្ឋ ស្ថិតនៅមុខផ្សារទំនើប Big C Extra ទីកន្លែងដែលការិយាល័យធនាគារស្ថិតនៅ និងត្រូវបាននាំយកទៅឃុំខ្លួននៅប៉ុស្តិ៍ប៉ូលីស នៅកណ្តាលយប់អាធ្រាត ប៉ុន្មានម៉ោងបន្ទាប់ពីធ្វើសកម្មភាពប្លន់ ។ ប៉ូលីសបានរឹបអូសលុយដែលនៅសល់ពីការប្លន់ចំនួន ៥៥,៧៦០ បាត និងកាបូបមួយផ្ទុកគ្រាប់បែកក្លែងក្លាយ ។
អំពើប្លន់នេះបានកើតឡើងនៅម៉ោង ៧ និង ៤០ នាទីយប់ ខណៈធនាគារកំពុងរៀបចំបិទទ្វារ ៕ ឧត្តម (The Nation, Meearai)