មីយ៉ាន់ម៉ា៖ បន្ទាប់ពីបញ្ចប់ព្រឹត្តិការណ៍ប្រកួតកីឡា SEAVF Southeast Asian Vovinam Championship កីឡាករ កីឡាការិនី កម្ពុជា ដណ្តើមបានមេដាយសរុបចំនួន២៩គ្រឿង ក្នុងនោះមេដាយមាសចំនួន៦គ្រឿង មេដាយប្រាក់ចំនួន៨គ្រឿង និងមេដាយសំរឹទ្ធចំនួន១៥គ្រឿង ដែលនេះគឺជាមោទនភាពមួយសម្រាប់កម្ពុជាលើឆាកអន្តរជាតិ ព្រមទាំងបានឆ្លុះបញ្ចាំងពីភាពរីកចម្រើននៃវិស័យកីឡានៅកម្ពុជា។
សូមជម្រាបថាប្រតិភូកីឡាកម្ពុជាសរុបចំនួន២៤រូប ដែលបានចូលរួមក្នុងព្រឹត្តិការណ៍ប្រកួតកីឡាវ៉ូវីណាម លើកទី៥ ឆ្នាំ២០១៨ នេះ ដែលបានប្រព្រឹត្តទៅចាប់ពីថ្ងៃទី៧ ដល់ថ្ងៃទី១២ ខែសីហា ឆ្នាំ២០១៨កន្លងទៅនេះ នៅប្រទេសមីយ៉ាន់ម៉ា។
ក្រសួងអប់រំយុវជននិងកីឡា បានចេញសេចក្ដីប្រកាសព័ត៌មានថា កម្ពុជាបានបញ្ជូនកីឡាករវ៉ូវីណាមចំនួន២៤នាក់ ចូលរួមប្រកួតជ្រើសរើសជើងឯកវ៉ូវីណាមអាស៊ីអាគ្នេយ៍លើកទី៥ ដែលបានប្រព្រឹត្តទៅចាប់ពីថ្ងៃទី៧ ដល់ថ្ងៃទី១២ ខែសីហា ឆ្នាំ២០១៨ នៅប្រទេស មីយ៉ាន់ម៉ា ព្រមទាំងទទួលបានមេដាយសរុប ២៩គ្រឿង ក្នុងនោះមេដាយមាសចំនួន៦គ្រឿង មេដាយប្រាក់ចំនួន៨គ្រឿង និងមេដាយសំរឹទ្ធចំនួន១៥គ្រឿង៕ ដោយ៖កូឡាប
