តាមស្ថានីយ CNBC ដែលដកស្រង់របាយការណ៍ផ្ញើជូនរដ្ឋសភាអាមេរិករបស់រដ្ឋការលោកTrump ឱ្យដឹងថា ជិត៥ខែកន្លងមកអាមេរិកទទួលបានចំណូលជាង១,៤ពាន់លានដុល្លារអំពីពន្ធដែកថែបនិងអាលុយមីញ៉ូម។
ស្ថាប័នស្រាវជ្រាវ (CRS)ប៉ាន់ស្មានថា ពីថ្ងៃទី២៣ខែមីនា ដល់ថ្ងៃទី១៦ខែកក្កដា អាមេរិកទទួលបានពន្ធពីដែកថែបគឺ១,១ពាន់ លានដុល្លារ និង៣៤៤,២លានដុល្លារពីពន្ធអាលុយមីញ៉ូម។ ខ្ទង់ប្រាក់ពន្ធនេះកំពុងបន្ដកើនឡើង ខណៈពេលដែលកិច្ចចរចារវាងអាមេរិកនិងបណ្ដាដៃគូពាណិជ្ជកម្មនៅពុំទាន់មានលទ្ធផលច្បាស់លាស់ ហើយពេលនេះលោកTrump កំពុងឈានឆ្ពោះទៅការយកពន្ធដូចគ្នាចំពោះមុខទំនិញខាងលើពីប្រទេសព័រទុយហ្គាល់។
CRS ឱ្យដឹងថា តាមរយៈអត្រាពន្ធថ្មីនេះអាចនាំនូវប្រាក់ចំណូលឱ្យអាមេរិកប្រមាណ៧,៥ពាន់លានដុល្លារ ក្នុងនោះពន្ធលើអាលុយមីញ៉ូមទទួលបានចំណូល១,៧ពាន់លានដុល្លារនិងពីដែកថែប៥,៨ពាន់លានដុល្លារ។
ប្រធានាធិបតីអាមេរិក Donald Trump លើកឡើងថា កម្រិតពន្ធថ្មីនេះអាចជួយកាត់បន្ថយឱនភាពថវិកាសហព័ន្ធដែលបានកើនឡើងដល់៧៧ពាន់លានដុល្លារនាខែកក្កដាឆ្នាំ២០១៨នេះ ៕
សូយន