ក្រុមអ្នកវិទ្យាសាស្ដ្រអាមេរិកឱ្យដឹងថា ក្រោយការរញ្ជួយដីខ្លាំងជាបន្ដបន្ទាប់នៅកោះLombok ក្នុងខេត្តNusa Tenggara ខាងលិច ក្នុងប្រទេសឥណ្ឌូណេស៊ី បានធ្វើឱ្យកោះទេសចរណ៍មួយនេះឡើងកម្ពស់បន្ថែម២៥សង់ទីម៉ែត្រ។
បន្ទាប់ពីប្រើប្រាស់រូបភាពផ្កាយរណបថតកោះLombokនៅអំឡុងក្រោយការរញ្ជួយដីកម្រិត ៦,៦ រង្វាស់Richterកាលពីថ្ងៃទី៥សីហាកន្លងមក ពួកអ្នកវិទ្យាស្ដ្ររបស់អង្គការ NASA អាមេរិកនិងវិទ្យាស្ថានស្រាវជ្រាវបច្ចេកវិជ្ជា California បានពង្រាងផែនទីផ្ទៃកោះនេះសាជាថ្មី។
ពង្រាងផែនទីផ្ទៃកោះថ្មីនេះឱ្យឃើញថា នៅតំបន់កៀកស្នូលរញ្ជួយដី ផ្ទៃដីនៅកន្លែងនោះបានកើនកម្ពស់វបន្ថែម២៥សង់ទីម៉ែត្រ ក្នុងពេលដែលតំបន់ខ្លះបានស្រុតចុះចន្លោះពី៥-១៥សង់ទីម៉ែត្រ។
តាមអង្គការNASA ទិន្នន័យទាំងនេះនឹងជួយឱ្យឥណ្ឌូណេស៊ីម្ចាស់ការទប់ទល់នឹងការរញ្ជួយដីក៏ដូចជាគ្រោះមហន្ដរាយធម្មជាតិដទៃទៀតនាធថ្ងៃអនាគត។
គួររំលឹកឡើងវិញថា ក្នុងអំឡុងពេលមួយសប្ដាហ៍ប៉ុណ្ណោះកោះទេសចរណ៍Lombok បានត្រូវរងទទួលគ្រោះរញ្ជួយដី៣លើកផ្ទួនគ្នា ព្រមទាំងសំណល់រញ្ជួយជាង៥០០លើកទៀត ជាហេតុធ្វើឱ្យមនុស្សប្រមាណ៣៥០នាក់ស្លាប់និងរាប់សែននាក់បាត់បង់ទីលំនៅ៕
សូយន
