ស៊ីនហួចុះផ្សាយព័ត៌មានឱ្យដឹងថា ក្រោយពេលដែលអាមេរិកលើកឡើងអំពីច្បាប់ការពារជាតិ ក្នុងនោះមានដាក់បញ្ចូល អំពីវិធានការទប់ស្កាត់ការអភិវឌ្ឍយោធារបស់រុស្ស៊ី។នៅថ្ងៃទី១៤ខែសីហា វិមានក្រឹមឡាំងប្រកាសថា អាមេរិកគ្មានមូលដ្ឋានដើម្បីពណ៌នារុស្ស៊ីប្រៀបដូចជាគ្រោះគំរាមកំហែងមួយ។
ថ្លែងក្នុងសន្នសីទព័ត៌មានប្រចាំថ្ងៃ អ្នកនាំពាក្យវិមានក្រឹមឡាំង Dmitry Peskov ឱ្យដឹងថា ថវិកាការពារជាតិរបស់អាមេរិកលើសពីរុស្ស៊ីច្រើនដង អាស្រ័យហេតុនេះពុំមានមូលដ្ឋានអ្វីដែលអាមេរិកធ្វើការពណ៌នាប្រទេសរុស្ស៊ីប្រៀបដូចជាគ្រោះគំរាមកំហែងប្រទេសណាមួយនោះ។លោកPeskov នូវបានបានឱ្យដឹងថា បណ្ដាប្រព័ន្ធអាវុធយុទ្ធសាស្ដ្រថ្មីរបស់រុស្ស៊ីដែលត្រូវបានប្រធានាធិបតីរុស្ស៊ី Vladimir Putin បង្ហើបប្រាប់កាលពីខែមីនា មិនបំពានទៅលើកិច្ចព្រមព្រៀងដែលអន្ដរជាតិពាក់ព័ន្ធ ក្នុងនោះមានសន្ធិសញ្ញាកាត់បន្ថយអាវុធយុទ្ធសាស្ដ្រថ្មី(New START) ដែលត្រូវបានរុស្ស៊ីនិងអាមេរិកចុះហត្ថលេខាកាលពីឆ្នាំ២០១០។
គួររម្លឹកថា កាលពីថ្ងៃទី១៣ខែសីហា ប្រធានាធិបតីអាមេរិក Donald Trump បានចុះហត្ថលេខាលើក្រឹត្យច្បាប់ប្រគល់សិទ្ធិការពារប្រទេស(NDAA) ដែលមានតម្លៃ៧១៦ពាន់លានដុល្លារសម្រាប់ឆ្នាំហិរញ្ញវត្ថុ២០១៩ ដោយចាប់ផ្ដើមមានសុពលភាពពីថ្ងៃទី១ ខែតុលា ឆ្នាំ២០១៨តទៅ៕
សូយន
