ក្មេងប្រុសៗមួយក្រុម ដែលត្រូវបានឃើញក្នុងវីដេអូ នាំលេងសើចនឹងគ្នាយ៉ាងរំភើបរីករាយយ៉ាងខ្លាំង នៅលើរថយន្តក្រុងមួយគ្រឿង នៅក្នុងដំណើរទស្សនាទីបញ្ចុះសពមួយ អំឡុងថ្ងៃអបអរសាទរថ្ងៃបញ្ចប់ការសិក្សា ចេញពីសាលារបស់ពួកគេ ។
ក្មេងៗទាំងនោះ ត្រូវបានគេរាយការណ៍ឲ្យដឹងថា មានអាយុចាប់ពី ៦ ទៅ ១១ ឆ្នាំ បានកំពុងធ្វើដំណើរទៅកាន់វាលបញ្ចុះសពសម្រាប់ពួកឧទ្ទាម -ជាកន្លែងមួយក្នុងចំណោមទីកន្លែងទំនេរបៃតងពីរបីដែលនៅសេសសល់ ស្ថិតនៅភាគខាងជើង Saada ។
គ្រូម្នាក់ឈ្មោះ Yahya Hussein អាយុ ៤០ ឆ្នាំ បានពន្យល់ថា៖ «ដោយសារសង្គ្រាម ឧស្យានភាគច្រើន និងសួនច្បារជាច្រើន ត្រូវបានបំផ្លាញ» ។ គាត់បានប្រាប់ CNN ថា៖ «តំបន់ដ៏ស្រស់ៗស្អាតបំផុត គឺជាទីសក្ការបូជាសម្រាប់ទុក្ករបុគ្គល (បុគ្គលដែលរងទុក្ខដល់ស្លាប់ខ្លួន) និងវិហារអ៊ិស្លាម» ។
នៅក្នុងវីដេអូ ដែលថតដោយក្មេងប្រុសសិស្សសាលាម្នាក់ឈ្មោះ Osama Zeid Al Homaran បានបង្ហាញឲ្យឃើញមិត្តរួមថ្នាក់ទាំងអស់របស់គេ កំពុងសូត្រកំណាព្យផ្សេងៗពីគម្ពីរ Quran ។ ខណៈពេលដែលមេរៀនត្រូវចប់ ក្មេងប្រុសៗទាំងនោះបានចូលទៅក្នុងទីកន្លែងបញ្ចុះសព ដើម្បីទស្សនា ។
Zeid អាចត្រូវបានលឺស្រែកទៅកាន់មិត្តភក្តិរបស់គេថា៖ «សូមរង់ចាំ! ពួកយើងនឹងថតរូបភាព» ។
បន្ទាប់បញ្ចប់ការទស្សនានៅទីនោះ ពួកគេក៏បានឡើងរថយន្តដឹកសិស្ស ដើម្បីវិលត្រឡប់មកផ្ទះវិញ និងក៏ជួបគ្រោះថ្នាក់សោកនាដកម្មនេះតែម្តង ។ Hussein បានធ្វើដំណើរយឺតយ៉ាវទៅកាន់វាលបញ្ចុះសពនោះ និងកំពុងថតរថយន្តរបស់គាត់ នៅឆ្ងាយពីរថយន្តដឹកសិស្ស នៅពេលការផ្ទុះបានកើតឡើង ។
លោកនិយាយថា៖ «ខ្ញុំបានលឺការផ្ទុះយ៉ាងខ្លាំង ហើយមានធូលី និងផ្សែងផុសឡើងងងឹតឈ្លប់តែម្តង ។ នៅកន្លែងកើតហេតុពុំអាចពណ៌នាបានទេ ហើយមានបំណែកសាកសព និងឈាម គ្រប់ដណ្តប់គ្រប់ទីកន្លែង» ។
លោកបន្តថា៖ «ក្មេងៗទាំងនោះបានកំពុងនាំគ្នាលេងសើចនឹងគ្នា និងធ្វើសកម្មភាពផ្សេងៗយ៉ាងរីករាយបំផុត ក្នុងដំណើរទស្សនារបស់ពួកគេ ទើបតែបាន២ថ្ងៃប៉ុណ្ណោះ ប៉ុន្តែ ឥឡូវនេះ ពួកគេក្លាយជាជនរងគ្រោះគួរឲ្យអាសូរបំផុត» ។
រដ្ឋមន្រ្តីសុខាភិបាល Houthi លោក Taha al-Mutawakil និយាយនៅក្នុងសន្និសីទកាសែតកាលពីថ្ងៃសុក្រ ឲ្យដឹងថា មនុស្ស ៥១ នាក់ បានស្លាប់នៅក្នុងការវាយប្រហារតាមដែនអាកាស ពីសំណាក់ក្រុមដឹកនាំដោយ Saudi ក្នុងនោះ ៤០ នាក់ គឺកុមារ ។ គាត់បន្ថែមថា មនុស្ស ៧៩ នាក់ បានរងរបួស ដែលក្នុងនោះ ៥៦ នាក់ គឺជាកុមារ ៕ ឧត្តម (edition.cnn.com)
