នារីថៃ ២នាក់ បានរួចពីចង្កូមមច្ចុរាជស្ទើពុំជឿ បន្ទាប់ពីរថយន្តរបស់ពួកគេ បានត្រូវបង្គោលដែកដ៏ធំមួយសង្កត់ពីលើ ។ ខ្សែវីដេអូខាងក្រោមបង្ហាញឲ្យឃើញបង្គោលដែកនេះបានរបូតធ្លាក់ពីខ្សែស្ទូច ហើយសង្កត់ចំខាងមុខរថយន្ត កាលពីល្ងាចថ្ងៃពុធ សប្តាហ៍មុន ។
ខ្វះតែបន្តិចប្រាកដជា… គ្មានរស់ទេ ។
នារីអ្នកបើកបរ Natthajira Chanthanikiree អាយុ ៣៣ឆ្នាំ បានប្រាប់កាសែតនៅតំបន់នោះថា ម៉ាស៊ីនស្ទូចបានរង្គើរៗមិនឈប់ពេលស្ទូចបង្គោលដែកនេះឡើង ។
ពេលនោះនាងពុំអាចគេចទៅណាបាន ព្រោះតែគ្រឿងចក្រនៅកណ្តាលផ្លូវ នៅសល់ច្រកចេញចូល “១ឡាន” ប៉ុណ្ណោះ ។
ខុសតែបន្តិចទៀត ប្រហែលគ្មានរស់ទេ! ។ ក្រុមហ៊ុន SRT Supplies ដែលជាអ្នកម៉ៅការបានសុខចិត្តទិញរថយន្ត Mercedes ថ្មីស្រឡាង១តាមចិត្តអ្នករងគ្រោះចង់បានទុកជាសំណង ហើយក៏បន្ថែមប្រាក់មួយចំនួនទៀត ។
យ៉ាងនេះក្តី ក៏សមត្ថកិច្ចថៃបានផ្អាកការសាងសង់ ហើយប៉ូលិសកំពុងនឹងបញ្ជូនសំណុំរឿងទៅកាន់តុលាការ ។
មេរៀន១ សម្រាប់ស្រុកយើង!? ចន្ទ្រា