រឿងរ៉ាវទើបបែកធ្លាយខណៈពេលប៉ូលិសបានហ៊ុំព័ទ្ធ ឆែកឆេរផ្ទះបនមួយជ្រកក្រោមយីហោធ្វើក្រចកដៃ នៅក្រុងវូហាន ខេត្តហ៊ីប៉ៃ ប្រទេសចិន ។ ម្ចាស់ហាងជាបុរសត្រកូល លី អាយុ
២៧ឆ្នាំ និងភរិយា ជាអ្នកគ្រប់គ្រង ។
នៅពេលសាកសួរចម្លើយ ត្រកូលលីបានឆ្លើយថា ភរិយារបស់ខលួន មានត្រកូលលីវ កើតនៅខែតុលា ឆ្នាំ ១៩៨៨ ឆ្នាំនេះអាយុ ៣០ឆ្នាំហើយ ។
ប៉ុន្តែពេលប៉ូលិសស្រាវជ្រាវក្នុងឃ្លាំងឯកសារពុំឃើញមានអត្តសញ្ញាណរបស់នាងជាភរិយាសោះ ។
លី និង ចាង ត្រូវចាប់ឃាត់ខ្លួនពីបទបើកផ្ទះបន ។
នាងលីវ បានផ្តល់អត្តសញ្ញាណប័ណ្ណដល់ប៉ូលិស តែនៅពុំអាចរកឃើញឯកសារតម្កល់ទុកដដែល ។ ចុងក្រោយនាងលីវ បង្ខំចិត្តសារភាពថា ខ្លួនមានត្រកូលចាង កើតនៅខែមករា
ឆ្នាំ១៩៦៨ ឆ្នាំនេះអាយុ… ៥០ឆ្នាំហើយ ហើយពុំមែនត្រកូលលីវ កើតឆ្នាំ ១៩៨៨ ដូចលើអត្តសញ្ញាណប័ណ្ណ “ក្លែងក្លាយ” នោះទេ ។
បុរសជាស្វាមីត្រកូលលី ពិតជាស្លុតចិត្ត ពេលដែលការពិតត្រូវបានលាតត្រដាង ។ បុរសរូបនេះចែករំលែកទាំងសោកសៅថា ៖ ខ្លួននិងភរិយាបានជួបគ្នាតាំងពី ១០ឆ្នាំមុន
ពេលនោះខ្លួនមានអាយុ ១៧ឆ្នាំហើយ នាងចាង ថាខ្លួនអាយុ ២០ឆ្នាំប៉ុណ្ណោះ ។ អ្នកទាំង២ក៏រៀបការនឹងគ្នា ។
លី បន្តទាំងចិត្តមួរហ្មងថា ខ្លួនពុំដែលសង្ស័យអ្វីទាក់ទងនឹងអាយុរបស់ភរិយា ព្រោះនាងមើលទៅនៅ…ក្មេង ពុំដូចស្ត្រីវ័យ ៥០ឆ្នាំសោះឡើយ ។ នារីត្រកូលចាងដោះស្រាយថា
ព្រោះតែស្រឡាញ់លី ទើបមិនចង់ឲ្យដឹងពីអាយុពិតរបស់ខ្លួន ។ តាមពិតទៅនាងធ្លាប់មានស្វាមីម្តងរួចមកហើយ ហើយបានលែងលះ មុនពេលរៀបការជាមួយលី ។
អ្នកទាំងពីរត្រូវកាត់ទោសជាប់គុក ម្នាក់ៗ ៦ខែ និងពិន័យប្រាក់ ៥០០០យាន់ ។
គេពុំដឹងថា ជោគវាសនារបស់ពួកគេទៅជាយ៉ាងណាទេ ក្រោយពេលអនុវត្តសាលក្រមរួចនោះ ។ យ៉ាងណាក៏នៅមានពេលវេលាពិចារណាក្នុងទ្រុងមួយរយៈដែរ ៕ ចន្ទ្រា
