កិច្ចព្រមព្រៀងជាមួយរុស្ស៊ីអាចជួយឱ្យចិនដោះស្រាយបាននូវកង្វះខាតសណ្ដែកសៀង ដែលមុននោះធ្លាប់តែចំណុះនឹង ទីផ្សាររបស់អាមេរិក។
តាមកាសែតSCMP រុស្ស៊ីបានប្រកាសអំពីផែនការឱ្យវិនិយោគិនបរទេសជួលដី១លានហិកតា។នេះអាចជាឱកាសដើម្បីចិន បង្កើនផលិតផលកសិកម្មក្នុងបរិបទសង្គ្រាមពាណិជ្ជកម្មជាមួយអាមេរិក។
Valery Dubrovskiy នាយកស្ថាប័នអភិវឌ្ឍន៍និងវិនិយោគទុនជ្រោយខាងកើតរបស់រុស្ស៊ីថែ្លងថា៖ «តាមការព្យការណ៍របស់ យើងខ្ញុំនោះ វិនិយោគិនលើផ្ទៃដីប្រមាណ៥០ភាគរយមកពីប្រទេសចិន ២៥ភាគរយគឺរុស្ស៊ី ហើយ២៥ភាគរយទៀតមកពីបណ្ដាប្រទេសដទៃ ជាអាទិ៍ជប៉ុននិងកូរ៉េខាងត្បូង។
ប្រការនេះមានន័យថា ផ្ទៃដី៣លានហិកតានៅតំបន់ជ្រោយបូព៌ារបស់រុស្ស៊ីអាចត្រូវបានអនុញ្ញាតឱ្យកសិករបរទេសជួល ក្នុងនោះមានផ្ទៃដីប្រមាណ១លានហិកតាត្រូវបានក្រុមហ៊ុនចិនជាអ្នកជួល។ស្ថានភាពដីតំបន់នោះសមស្របសម្រាប់ដំណាំសណ្ដែកសៀង ស្រូវសាឡីនិងដំឡូងបារាំង។
ក្នុងស្ថានភាពដែលសង្គ្រាមពាណិជ្ជកម្មរវាងអាមេរិកនិងចិនពុំមានសញ្ញាណថមថយចុះ ពិសេសពេលចិនវាយពន្ធ២៥ភាគរយលើទំនិញសណ្ដែកសៀងនាំចូលពីអាមេរិក បណ្ដាលឱ្យប្រទេសនេះប្រឈមនឹងកង្វះសណ្ដែកសៀងយ៉ាងច្រើន។ ក្នុងមួយឆ្នាំៗចិននាំចូលសណ្ដែកសៀងពីអាមេរិក៨០០លានតោន ក្នុងពេលដែលទីផ្សារសណ្ដែកសៀងនាំចូលពីរុស្ស៊ីមានត្រឹមតែ៨៥០០០០តោនប៉ុណ្ណោះ ។ ចិនពុំមានជម្រើសអ្វីក្រៅពីរកផ្ទៃដីនិងរុញកសិករទៅកាន់«សមរភូមិមុខ» ដើម្បីផលិតសណ្ដែកសៀងបង្គ្រប់តម្រូវការខ្វះខាតក្នុងស្រុក៕
សូយន
