ក្នុងសេចក្ដីប្រកាសផ្លូវការមួយ ក្រសួងហិរញ្ញវត្ថុអាមេរិកលើកឡើងច្បាស់ថា គេនឹងដាក់ទណ្ឌកម្មចំពោះនីតិបុគ្គលនិងរូបវន្ដបុគ្គល ក្នុងនោះមានបណ្ដាក្រុមហ៊ុននៅរុស្ស៊ីនិងចិនដែលពាក់ព័ន្ធដល់ ការប្រាស្រ័យជំនួញមិនស្របច្បាប់ទាក់ទិនដល់កូរ៉េខាងជើង។
ជាក់ស្ដែងក្រសួងហិរញ្ញវត្ថុអាមេរិកបានដាក់ទណ្ឌកម្មក្រុមហ៊ុន Profinet Pte Ltd និងអគ្គនាយកក្រុមហ៊ុននេះ រួមជាមួយក្រុមហ៊ុន Dalian Sun Moon Star International មានស្នាក់ការនៅចិន។ ក្រៅពីនោះសាខារបស់ក្រុមហ៊ុនចិន SINSMS Pte Ltd ដែលមានការិយាល័យនៅសិង្ហបុរី ។
តាមបទបញ្ជាដាក់ទណ្ឌកម្មថ្មីរបស់អាមេរិក នោះគេនឹងបង្កករាល់ទ្រព្យសម្បត្ដិរបស់អ្នកដែលបំពានតាមអំណាចយុត្ដាធិការ របស់អាមេរិក ហើយអាមេរិកក៏ហាមឃាត់ពលរដ្ឋខ្លួនមិនឱ្យរកស៊ីជាមួយបណ្ដាក្រុមហ៊ុនដែលរដ្ឋាភិបាលអាមេរិកបានដាក់ទណ្ឌកម្ម។
សកម្មភាពខាងលើ បានប្រព្រឹត្តទៅក្នុងខណៈពេលដែលចំណងទាក់ទងអាមេរិកនិងកូរ៉េខាងជើងកំពុងមាននិន្នាការកែសម្រួល ហើយទោះបីមានឧបសគ្គខ្លះ ដើម្បីអនុវត្ដន៍សេចក្ដីសម្រេចចិត្ដនៃជំនួបកំពូលអាមេរិក-កូរ៉េខាងជើងប្រព្រឹត្តទៅនៅសិង្ហបុរីកាលពីខែមិថុនាកន្លងមក៕
សូយន
