ភ្នំពេញ ៖ បន្ទាប់បីប្រកាសលទ្ធផលផ្លូវការនាំការបោះឆ្នោតអាណត្តិទី៦ ដោយគណបក្សប្រជាជនឈ្នះឆ្នោត១០០ភាគរយនោះ សម្រាប់តែគណបក្សហ្វ៊ុនស៊ិនប៉ិច បានចេញសេចក្តីថ្លែងការណ៍មួយ ដោយបានដោយដកស្រង់ប្រសាសន៍សម្តេចតេជោ ហ៊ុន សែន ថា មានមនុស្សមួយចំនួន ក្នុងហ្វ៊ុនស៊ិនប៉ិច កំពុងរត់ការយកលុយ ដើម្បីតួនាទីណាមួយ ដែលរាជរដ្ឋាភិបាល ប្រគល់ជូន។
លោកយូ ហុកគ្រី ប្រធានគណៈកម្មការដោះស្រាយកិច្ចការទូទៅ គ.ក.ទ បានបញ្ជាក់ថា យោងតាមប្រសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបង្ហើបឲ្យដឹងនៅថ្ងៃទី១៥ ខែសីហា ឆ្នាំ២០១៨ ក្នុងដែលសម្តេចតេជោ បានជួបសំណេះសំណាលជាមួយក្នុងកម្មករ នៅខណ្ឌសែនសុខ រាជធានីភ្នំពេញថា មានមនុស្សមួយចំនួន ក្នុងហ្វ៊ុនស៊ិនប៉ិច កំពុងរត់ការយកលុយ ដើម្បីតួនាទីណាមួយ ដែលរាជរដ្ឋាភិបាល ប្រគល់ជូន។ ក្រោយសម្ដេចតេជោ ប្រកាសព្រមានអ្នករត់ការគេឃើញគណបក្សហ្វ៊ុនស៊ិនប៉ិចប្រកាស ព្រមានមន្ត្រីដែលរត់ការយកតំណែងក្នុងរាជរដ្ឋាភិបាល ឱ្យទទួលខុសត្រូវចំពោះមុខច្បាប់ ក្រោយបង្ហើបដោយសម្តេចតេជោ ហ៊ុន សែន។
គណបក្សរាជានិយមហ្វ៊ុនស៊ិនប៉ិច នៅល្ងាចថ្ងៃទី១៥ ខែសីហា ឆ្នាំ២០១៨នេះ បានព្រមានដល់មន្ត្រីរបស់ខ្លួនមួយចំនួន ដែលពាក់ព័ន្ធជាមួយនឹងករណីយកលុយរត់ការ ដើម្បីបានតួនាទីនៅរាជរដ្ឋាភិបាល ត្រូវទទួលខុសត្រូវចំពោះមុខច្បាប់ជាធរមាន។
នៅក្នុងសេចក្តីជូនដំណឹងរបស់គណបក្ស បានបញ្ជាក់យ៉ាងដូច្នេះថា៖ “ចំពោះបញ្ហានេះ យើងបានហាមឃាត់ដាច់ខាត ព្រោះមិនមែនជានយោបាយរបស់គណបក្សហ្វ៊ុនស៊ិនប៉ិច ដែលនាំទៅដល់ការប្រព្រឹត្តអំពើពុករលួយនោះទេ។ បុគ្គលណា ឬក្រុមណានៅក្នុងគណបក្សហ្វ៊ុនស៊ិនប៉ិច ដែលមានការពាក់ព័ន្ធចំពោះករណីនេះ ត្រូវទទួលខុសត្រូវចំពោះមុខច្បាប់ជាធរមាន”៕ ដោយ ៖ កូឡាប
