ឆ្នាំជូត ៖ ការងារ មិនល្អ ត្រូវប្រយ័ត្នមានអ្នករំខានឆាឆៅ ។ លុយកាក់ ខ្សត់ខ្សោយ គួរសន្សំសំចៃ បញ្ចៀសធ្លាក់ក្នុងស្ថានភាព “ក្ស័យធន” ។ មនោសញ្ចេតនា ងាយកើតទំនាស់ ឈ្លោះប្រកែកគ្នា ។
ឆ្នាំឆ្លូវ ៖ ការងារ គ្រប់យ៉ាងអំណោយផលល្អបំផុត ទោះបីមានអ្នកឈ្នានីសតែបញ្ហាទាំងអស់សុទ្ធតែអាចដោះស្រាយដោយរលូន ។ លុយកាក់ ត្រូវចេះក្តាប់ឱកាសរកប្រយោជន៍ តែក៏គួរស្តាប់យោបល់អ្នកដើរមុន ប្រសិនចង់ធ្វើការវិនិយោគ ។ មនោសញ្ចេតនា មានឱកាសបានជួបមនុស្សក្នុងសុបិន្ត ។
ឆ្នាំខាល ៖ ការងារ ប្រព្រឹត្តទៅជាធម្មតា ពុំមានរឿងអ្វីគួរឲ្យបារម្ភ ។ លុយកាក់ មានខ្ទង់ត្រូវចំណាយច្រើន ប្រយ័ត្នត្រូវគេគៃបន្លំ ។ មនោសញ្ចេតនា ត្រូវទប់ស្កាត់កុំឲ្យមានវត្តមាន “ជនទី៣” ។
ឆ្នាំថោះ ៖ ការងារ ត្រូវយកចិត្តទុកដាក់ក្នុងកិច្ចការរបស់ខ្លួន មិនត្រូវលូកដៃចូលជ្រៅក្នុងរឿងអ្នកដទៃ ។ លុយកាក់ គួរសកម្មស្វែងរកឱកាសរកប្រាក់ដោយខ្លួនឯង ។ មនោសញ្ចេតនា រីករាយ កក់ក្តៅ ។
ឆ្នាំរោង ៖ ការងារ ស្មារតីមិននឹងនរ ឥទ្ធិពលអាក្រក់ដល់ការងារ ។ លុយកាក់ ជាថ្ងៃអំណោយផលល្អសម្រាប់ការវិនិយោគ ជួញដូរ ។ មនោសញ្ចេតនា ឱកាសល្អៗជាច្រើនកំពុងនៅចំពោះមុខ ។
ឆ្នាំម្សាញ់ ៖ ការងារ វិវត្តន៍តាមទិសសកម្ម មានអ្នកជួយយកអាសា ។ លុយកាក់ ស្ថានភាពហិរញ្ញវត្ថុមិនល្អ ជាថ្ងៃមិនប្រកបសម្រាប់ការរកលាភចូលផ្ទះ ។ មនោសញ្ចេតនា មិនល្អ មានរឿងទាស់ទែងគ្នាច្រើន ។
ឆ្នាំមមី ៖ ការងារ គួរមានផែនការធ្វើការជាក់ស្តែងទើបការងារអាចរីកចម្រើនទៅមុខ ។ លុយកាក់ ថ្ងៃនេះមិនត្រូវបញ្ចេញប្រាក់រកស៊ី ។ មនោសញ្ចេតនា គួរបង្កើតភាពរីករាយផ្អែមល្ហែមឲ្យបានច្រើនក្នុងចំណងមនោសញ្ចេតនា ។
ឆ្នាំមមែ ៖ ការពារ រីកលូតលាស់ សម្រេចបានយ៉ាងឆ្នើមនូវភារកិច្ចដែលថ្នាក់លើប្រគល់ឲ្យ ។ លុយកាក់ ល្អប្រសើរ មានខ្ទង់ចំណូលស្មានមិនដល់ច្រើន ។ មនោសញ្ចេតនា មានឱកាសបានជួបមនុស្សដែលអ្នកពេញចិត្ត ។
ឆ្នាំវក ៖ ការងារ ល្អប្រសើរ គ្រប់យ៉ាងរីកចម្រើនជាលំដាប់ ។ លុយកាក់ ធូរធារ ។ មនោសញ្ចេតនា ប្រយ័ត្នលេចវត្តមាន “ជនទី៣” ។
ឆ្នាំរកា ៖ ការងារ គួរកែប្រែឲ្យប្រសើរឡើងទំនាក់ទំនងជាមួយអ្នករួមការងារ ។ លុយកាក់ ត្រូវចេះកាត់បន្ថយការចំណាយ , ចៀសវាងខ្ជះខ្ជាយ ។ មនោសញ្ចេតនា មិនល្អ ងាយកើតទំនាស់នឹងគ្នា ។
ឆ្នាំចរ ៖ ការងារ កើតមានរឿងរំខានចិត្តច្រើន ។ លុយកាក់ ចម្រុងចម្រើន ធូរធារ ។ មនោសញ្ចេតនាមានឱកាសបានជួបមនុស្សក្នុងសុបិន្ត ។
ឆ្នាំកុរ ៖ ការងារ ប្រយ័ត្នមានអ្នកលួចឈ្នានីសពីក្រោយខ្នង ។ លុយកាក់ មិនល្អ ចំណាយច្រើនជាងចំណូល ។ មនោសញ្ចេតនា មិនត្រូវស្តាប់ពាក្យចចាមអារាមពីក្រៅ ធ្វើឲ្យឥទ្ធិពលអាក្រក់ដល់រឿងមនោសញ្ចេតនា ៕
