ទឹកប្រាក់លក់រាយដែលជាមូលដ្ឋានគ្រឹះរបស់អាមេរិកមានកំណើនក្នុងខែកក្កដា ឆ្នាំ២០១៨ បង្ហាញឱ្យឃើញថា ខឿនសេដ្ឋកិច្ចធំបំផុតពិភពលោកនេះបានចាប់ផ្ដើមនៅត្រីមាសទី៣ឆ្នាំ២០១៨ លើមូលដ្ឋនគ្រឹះ រឹងមាំដោយផ្អែកលើកំណើនល្អបំផុតក្នុងអំឡុង៤ឆ្នាំកន្លងមកនៅត្រីមាសទី២ ឆ្នាំ២០១៨ ។
ក្នុងត្រីមាសទី២ ឆ្នាំ២០១៨ កំណើនសេដ្ឋកិច្ចអាមេរិកទទួលបាន ៤,១ភាគរយ ប្រៀបទៅនឹងកំណើនតែ២,២ភាគរយក្នុងត្រីមាសទី១ ឆ្នាំ២០១៨ ។ ស្ថានភាពទូទៅនៃខឿនសេដ្ឋកិ្ចអាមេរិកតាមអ្នកវិភាគទោះបីជាមិនអាចមានកំណើនស្មើត្រីមាសទី២ក្ដី ប៉ុន្ដែយ៉ាងតិចកំណើននេះគឺប្រហែល៣ភាគរយ។ នាយកដ្ឋានសន្និធិសហព័ន្ធ(Fed) មានគម្រោងនឹងបង្កើនអត្រាការប្រាក់២លើកទៀតក្នុងរយៈពេលពីពេលនេះដល់ខែធ្នូ២០១៨ ។
មុននោះ តាមក្រសួងពាណិជ្ជកម្មអាមេរិក ទឹកប្រាក់លក់រាយរបស់ប្រទេសនេះនៅខែកក្កដា ឆ្នាំ២០១៨ បានកើនឡើង៦,៤ ភាគរយប្រៀបទៅនឹងខែកក្កដា ឆ្នាំ២០១៧។ ក្រៅពីនោះ បរិមាណទំនិញក្នុងស្ដុករបស់អាមេរិកក្នុងខែមិថុនា ឆ្នាំ២០១៨ បានកើនឡើង០,១ភាគរយ គឺមានចំនួនដល់ទៅ 1.937,2ពាន់លានដុល្លារ។
ក្រសួងពលកម្មអាមេរិកក៏បានប្រកាសឱ្យដឹងពីទិន្នផលពលកម្មក្រៅវិស័យកសិកម្មក្នុងត្រីមាសទី២ ឆ្នាំ២០១៨ បន្ដកើនឡើង២,៩ភាគរយប្រៀបនឹងត្រីមាសទី២ ឆ្នាំ២០១៧៕
សូយន
