អ្នកនាំពាក្យប្រធានាធិបតី Harry Roque បាននិយាយថា ប្រធានាធិបតីអាចលាលែងពីតំណែងប្រសិនបើមានអ្នកជំនួសលោក មានសមត្ថភាពគ្រប់គ្រាន់ ហើយអតីតបេក្ខភាពអនុប្រធានាធិបតី Ferdinand Marcos Jr គឺជាមនុស្សដែលលោកមានជំនឿជាងគេ ។
អ្នកនាំពាក្យរូបនេះបានថ្លែងក្នុងសន្និសីទសារព័ត៌មានប្រចាំថ្ងៃថា«ប្រសិនបើគ្រប់បញ្ហាវិវឌ្ឍន៍ទៅមុខ ហើយគាត់ដណ្ដើមបាន ជោគជ័យចំពោះលទ្ធផលបោះឆ្នោត អ្នកស្រីRobredo នឹងក្លាយជាប្រធានាធិបតី។ ពេលនោះប្រធានាធិបតី Duterte នឹងអនុវត្តន៍ពាក្យសន្យារបស់ខ្លួនភ្លាម»។
ថ្មីៗនេះលោក Duterte ច្រើននិយាយពីគម្រោងលាលែងពីតំណែងមុនអាណតិ្ដ ដែលវានឹងបញ្ចប់ទៅនៅខែមិថុនា ឆ្នាំ២០២២ ។
ហេតុនេះឯង លោក Duterte មិនអាចលាលែងពីតំណែងពេលនេះបានឡើយ ព្រោះបើតាមការកំណត់ក្នុងរដ្ឋធម្មនុញ្ញ អនុប្រធានាធិបតីបច្ចប្បន្ន អ្នកស្រី Leni Robredo ដែលលោកDutert អះអាងថាពុំមាន«សមត្ថភាព គ្រប់គ្រាន់»នឹងត្រូវឡើងជំនួស។
អ្នកស្រី Leni Robredo គឺជាមេដឹកនាំបក្សប្រឆាំនៅហ្វីលីពីន ហើយពុំមែនជាមនុស្សដែលលោក Dutert ជ្រើសរើសធ្វើជាអនុប្រធានាធិបតីនោះទេ ប៉ុន្ដែអ្នកស្រីបានឈ្នះលោកមាកូស ក្នុងការបោះឆ្នោតជ្រើសរើសអនុប្រធានាធិបតី ហ្វីលីពីនកាលពីខែឧសភា ឆ្នាំ២០១៦។
លោកម៉ាកូស បានធ្វើការតវ៉ាអំពីលទ្ធផលបោះឆ្នោត ហើយតុលាការកំពូលហ្វីលីពីនកាលពីខែមសាកន្លងមកបានដំណើការ ត្រួតពិនិត្យសន្លឹកឆ្នោតដោយរាប់នឹងដៃ។ នីតិវិធីនេះស្មុគស្មាញណាស់ ហើយអាចអូសបន្លាយពេលមួយឆ្នាំទៅពីរឆ្នាំឯណោះ៕
សូយន
