ខេត្តត្បូងឃ្មុំ ៖ គ្រោះថ្នាក់ចរាចរ រវាងរថយន្តនិងរថយន្តទិសដៅផ្ទុយគ្នា បណ្ដាលឲ្យរងរបួសធ្ងន់ស្រាល ០២នាក់ នៅថ្ងៃព្រហស្បតិ៍ទី១៦ ខែសីហា ឆ្នាំ២០១៨ វេលាម៉ោង១១និង៤០នាទី ត្រង់ចំណុចលើផ្លូវជាតិលេខ៧ ចន្លោះបង្គោលគីឡូម៉ែត្រ ១៣៤-១៣៤ ស្ថិតនៅភូមិអណ្តូងជា ឃុំជីរោទិ៍ទី២ ស្រុកត្បូងឃ្មុំ ខេត្តត្បូងឃ្មុំ។
រថយន្តឈ្នួលម៉ាកសាំយ៉ុងពណ៌ ស ពាក់ផ្លាកលេខភ្នំពេញ2Y-6049 បើកបរដោយឈ្មោះ ថៃ ស៊ីថេត ភេទប្រុស អាយុ២៥ឆ្នាំ ជាតិខ្មែរ នៅភូមិធ្លក សង្កាត់សួង ក្រុងសួង ខេត្តត្បូងឃ្មុំ បានដឹកមនុស្សចំនួន ៣នាក់ ឈ្មោះ សុខ តុលា ភេទប្រុស អាយុ២៥ឆ្នាំ ជាតិខ្មែរ នៅភូមិសួងកើត សង្កាត់សួង ក្រុងសួង ខេត្តត្បូងឃ្មុំ និង២នាក់ទៀត មិនទាន់ស្គាល់ឈ្មោះ។
បង្កជាមួយ រថយន្តម៉ាកអាស៊ី ពណ៌ស ពាក់ផ្លាកលេខ ភ្នំពេញ 5A-0298 អ្នកបើកបរមិនស្គាល់អត្តសញ្ញាណបណ្ដាលឲ្យឈ្មោះ ថៃ ស៊ីថេត អ្នក បើកបររថយន្តសាំង យ៉ុងរងរបួសធ្ងន់និង អ្នកបើកបររថយន្តអាស៊ីរងរបួស ស្រាល។ ក្រោយពីកើតហេតុភាគីខាងបង្កបានគេចខ្លួន ហើយរថយន្តសាំយ៉ុងខូចខាតកំរិតធ្ងន់ រថយន្តម៉ាកអាស៊ីខូតខាតកំរិតស្រាល។ មូលហេតុគឺប្រជែងគ្នាបណ្តាលឲ្យគ្រោះថ្នាក់ រីឯរថយន្តដែលពាក់ព័ន្ធក្នុងករណីគ្រោះថ្នាក់ចរាចរ បានដកហូតយកមក រក្សាទុកនៅអធិការដ្ឋានដើម្បីធ្វើការស្រាវជ្រាវ និងដោះស្រាយបន្ត៕ ដោយ ៖ បញ្ញាស័ក្តិ
