វីដេអូដ៏រន្ធត់មួយ ដែលកំពុងរីករាលដាលទាំងនៅលើបណ្តាញសង្គម Facebook និង Twitter បានបង្ហាញឲ្យឃើញរថយន្តក្រុង១គ្រឿង ដែលបើកបរឆ្លងកាត់ចរាចរណ៍ដ៏មមាញឹកមួយយ៉ាងសាហាវបំផុត បានធ្វើឲ្យអ្នកលេងអ៊ិនធើរណែតស្រៀវបុកពោះគ្រប់ៗគ្នាតែម្តង ដែលពុំនឹកស្មានដល់ថាអ្នកបើកបរឡប់សតិនោះ យកជីវិតអ្នកដទៃមកធ្វើជារឿងលេងសើចបែបនេះ ។
បុរសម្នាក់ឈ្មោះ Azri Arip ដែលបានចែករំលែកវីដេអូដ៏ស្លុតរន្ធត់នេះ បានអះអាងថា រថយន្តក្រុង១គ្រឿង បានវាយប្រហាររថយន្តតូចៗជាច្រើនគ្រឿង ហើយក្នុងនោះរួមទាំងរានលក់នំប៊ឺហ្គ័ររបស់គាត់ផងដែរ ។ ម្តាយរបស់គាត់ដែលមានវត្តមាននៅខណៈពេលនោះ បានកំពុងពរកូនអាយុ២ខែម្នាក់ផងដែរ ។
ដោយមានការគិតលឿន គាត់ក៏បានឡើងម៉ូតូជិះដេញតាមរថយន្តក្រុងបើកដ៏សាហាវនេះ ។ គាត់បាននិយាយថា គាត់សូម្បីរកពេលមិនមានពេលដើម្បីពាក់ស្បែកជើង ហើយបើកម៉ូតូដេញតាមទាំងបាតជើងទទេ ។
Azri នៅបានអះអាងឲ្យដឹងទៀតថា រថយន្តក្រុងនោះបានបើកចូលញែកចរាចរណ៍គ្រប់ផ្លូវទាំងអស់ ចេញពី Ampang ឆ្ពោះទៅកាន់ MRR2 ហើយវាបានបុកទង្គិចរថយន្តតូចៗកំពុងធ្វើចរាចរណ៍ប្រហែល ២០ គ្រឿង ។
វាមិនច្បាស់ថាតើរយន្តក្រុង RapidKL នេះ ត្រូវបានបើកបរដោយអ្នកបើកបរមានជំនាញ ឬ ត្រូវបានលួចដោយនរណាម្នាក់ ដែលកំពុងព្យាយាមនាំយកវាទាំងស្លន់ស្លោ លែងខ្វល់នឹងគ្រោះថ្នាក់ដល់អ្នកដទៃបែបនេះ ។
តាមរយៈវីដេអូ រថយន្តក្រុងនេះបានឈប់ទៅមុខលែងរួច បន្ទាប់ពីបុកទង្គិចជាមួយរថយន្តតូច១គ្រឿងចុងក្រោយ ។ ហើយវីដេអូបានបញ្ចប់ត្រឹមបង្ហាញឲ្យឃើញខណៈពេលដែលបុរសម្នាក់រត់ស្ទាក់រថយន្ត ប្រហែលក្នុងបំណងចាប់អ្នកបើកបរឡង់សតិនោះ ។
ទោះយ៉ាងណា អ្នកបើកបររថយន្តក្រុងនេះ ពុំត្រូវបានគេរាយការណ៍បានចាប់ខ្លួននោះទេ ។ រីឯមនុស្សដែលពាក់ព័ន្ធក្នុងហេតុការណ៍ដ៏សាហាវនេះ ក៏ពុំត្រូវបានរាយការណ៍ថា អាចរងរបួស ឬយ៉ាងណានោះនៅឡើយ ៕ ឧត្តម (worldofbuzz)
