ក្នុងរយៈពេលប៉ុន្មានឆ្នាំចុងក្រោយនេះ នៅលើបណ្តាញទំនាក់ទំនងសង្គមមានការប្រកួតប្លែកៗជាច្រើនដែលទាក់ទាញចំណាប់អារម្មណ៍ដល់អ្នកប្រើប្រាស់ ដោយសារតែជាការកំសាន្តដ៏ប្លែក ហើយការបបួលប្រកួតទាំងនោះមានដូចជា Harlem Shake, Ice Bucket ជាដើម។
នៅពេលថ្មីៗនេះ ក៏មានប្រកួតដ៏គួរឲ្យចាប់អារម្មណ៍ផងដែរ គឺការប្រកួត Kiki Dance Challenge ដែលតម្រូវឲ្យអ្នកចង់លេង ត្រូវធ្វើការរាំខាងក្រៅឡាន ដោយប្រើ ស្ទៃល៍ខ្លួនឯង ខណៈពេលដែលឡានកំពុងធ្វើដំណើរទៅមុខយឺតៗ។ ការប្រកួតនេះកំពុងវាយលុកបណ្តាញទំនាក់ទំនងសង្គម ដូចជាហ្វេសបុកជាដើម។
ប៉ុន្តែឥឡូវនេះ ស្រាប់តែមានការប្រកួតថ្មីទៀតចេញមក ដែលទាក់ទាញមិនចាញ់ការប្រកួតលើកមុនៗនោះទេ នោះគឺការប្រកួតរាំឡើងជណ្តើរ (Climb the stairs with style challenge)។
ការប្រកួតនេះតម្រូវឲ្យអ្នកចូលរួម ឡើងកាំជណ្តើរដោយប្រើស្ទៃល៍រាំរបស់ខ្លួនផ្ទាល់។ និយាយតាមត្រង់ទៅវាគឺជាការប្រកួតគួរឲ្យចាប់អារម្មណ៍មួយ និងប្លែកភ្នែកផងដែរ ៕ សុភ័ក្ត្រ
ចង់ដឹងការប្រកួតរាំនេះប្លែកភ្នែកយ៉ាងណា សូមមើលវីដេអូខាងក្រោមទាំងអស់គ្នា ៖
