នេះជាខណៈពេលដ៏មហារន្ធត់បំផុតមួយ ដែលបុរសជិះម៉ូតូ២នាក់ ត្រូវផ្លោងឡើងលើអាកាស និងក្រឡាប់ចាក់ធ្លាក់ទៅនឹងដីដូចស្លឹក បន្ទាប់ពីបានជួបគ្រោះថ្នាក់ចរាចរណ៍យ៉ាងសាហាវ ជិះម៉ូតូបុកគ្នាជាមួយរថយន្ត១គ្រឿង ។
វីដេអូពីកាមេរ៉ាសន្តិសុខដងផ្លូវ ចាប់បានពីហេតុការណ៍គ្រោះថ្នាក់ចរាចរណ៍ ដែលបានកើតឡើងនៅ Vynohradiv ក្នុងតំបន់ Zakarpattia Oblast ប្រទេសអ៊ុយក្រែន បានបង្ហាញឲ្យឃើញបុរសអត់ពាក់អាវ២នាក់ ជិះម៉ូតូព្រលះជាមួយរថយន្ត Mercedes ពណ៌ខ្មៅ១គ្រឿង ។
អ្នកបើកបររយន្តត្រូវបានចោទប្រកាន់ថា បានបើកបត់ឆ្វេងភ្លាមៗដោយពុំផ្តល់ភ្លើងស៊ីញ៉ូឲ្យមានប្រុងប្រយ័ត្នជាមុន ជាហេតុធ្វើឲ្យអ្នកជិះម៉ូតូ ដែលបើកបរយ៉ាងលឿនចាប់ហ្វ្រាំងពុំទាន់ បុកយ៉ាងពេញទំហឹង បណ្តាលឲ្យផ្លោងហោះឡើងលើអាកាស និងក្រឡាប់ចាក់ធ្លាក់ដីដូចស្លឹកគួរឲ្យស្លុតរន្ធត់បំផុត ។
ទោះយ៉ាងណា បុរសជិះម៉ូតូទាំងពីរ ហាក់បង្ហាញអាការរងរបួសឈឺចាប់ខ្លាំងនោះទេ ហើយពួកគេក៏ស្រវ៉ាងើបឡើង និងដើរសំដៅទៅរថយន្តបង្ក ដើម្បីដោះស្រាយគ្នាក្នុងករណីនេះ ។
តាមរយៈវីដេអូ ម៉ូតូជនរងគ្រោះ ត្រូវបានឃើញបានរងការខូចខាតយ៉ាងដំណំ ខណៈរថយន្តបង្កបានរងការខូចខាតផ្នែកក្បាលខាងស្តាំ និងផ្សែងហុយចេញពីម៉ាស៊ីន ។
ហេតុការណ៍នៃគ្រោះថ្នាក់ចរាចរណ៍បុកគ្នាដ៏សាហាវនេះ បានកើតឡើងចម្ងាយពីរបីម៉ែត្រប៉ុណ្ណោះ ពីអ្នកថ្មើរជើងម្នាក់ ដែលកំពុងឈរនៅលើចិញ្ចើមផ្លូវ ហើយគាត់ប៊ិះតែនឹងរងគ្រោះនៅក្នុងហេតុការណ៍ផងដែរ ៕ ឧត្តម (DailyMail)
