ស្វាយរៀង ៖ លោក ម៉ឹង សំផន រដ្ឋលេខាធិការក្រសួងការពារជាតិនិងជាប្រធានក្រុមការងារថ្នាក់ជាតិចុះជួយក្រុងបាវិតនិងស្រុកចន្ទ្រា ព្រឹកថ្ងៃទី១៧ខែសីហាឆ្នាំ២០១៨ បានដឹកនាំក្រុមការងារចុះជួបសំណេះសំណាលថ្លែងអំណរគុណដល់សមាជិកសមាជិការគណបក្សប្រជាជនកម្ពុជាព្រមទាំង បងប្អូនប្រជាពលរដ្ឋដែលបានទៅចូលរួមបោះឆ្នោតជូនគណបក្សប្រជាជនកម្ពុជាកាលពីថ្ងៃទី២៩ខែកក្កដាឆ្នាំ២០១៨កន្លងទៅនេះធ្វើអោយសម្លេងគាំទ្រគណបក្សឈ្នះភ្លូកទឹកភ្លូកដីបន្តដឹកនាំរាជរដ្ឋាភិបាលនៅអាណត្តិទី៦ទទួលបានការអភិវឌ្ឍរីកចម្រើនជាបន្តបន្ទាប់ទៀត។ពិធីសំណេះសំណាលនិងថ្លែងអំណរគុណនេះបានធ្វើឡើងនៅស្នាក់ការគណបក្សប្រជាជនកម្ពុជាក្រុងបាវិត។
ថ្លែងនៅក្នុងពិធីជួបជុំយ៉ាងសប្បាយរីករាយនេះលោក ម៉ឹងបសំផន បានបង្ហាញអំពីលទ្ធផលដ៏ត្រចះត្រចង់របស់បក្សដែលមានប្រជាពលរដ្ឋទៅបោះឆ្នោតសរុបជាង៨៣ភាគរយហើយមានសម្លេងគាំទ្រគណបក្សប្រជាជនបាន១២៥អាសនៈក្នុងកៅអីរដ្ឋសភាទាំងនេះបានបញ្ជាក់យ៉ាងច្បាស់ថាប្រជាពលរដ្ឋនៅតែគាំទ្រគណបក្សប្រជាជនកម្ពុជាស្រឡាញ់សន្តិភាព ស្រទ្បាញ់ការអភិវឌ្ឍនិងកាដឹកនាំដ៏ត្រឹមត្រូវរបស់រាជរដ្ឋាភិបាលហើយនៅតែគាំទ្រសម្តេចតេជោហ៊ុនសែនជានាយករដ្ឋមន្ត្រីនៅអាណត្តិទី៦និងអាណត្តិបន្តបន្ទាប់ទៀត។
លោករដ្ឋលេខាធិការបានបន្តទៀតថាៈចាប់ពីពេលនេះតទៅរាជរដ្ឋាភិបាលថ្មីដែលដឹកនាំដោយគណបក្សប្រជាជនកម្ពុជានិងបន្តបេសកម្មដើម្បីជាតិមាតុភូមិក្នុងកិច្ចការងារអភិវឌ្ឍប្រទេសអោយរីកចម្រើនផ្តោតសំខាន់ទៅលើ៤ធំៗគឺទឹក ភ្លើង ផ្លូវនិងធនធានមនុស្ស។ហើយនិងបង្កើនការវិនិយោគអោយបានច្រើនបន្ថែមទៀតដើម្បីបង្កើតការងារជូនប្រជាពលរដ្ឋអោយច្រើនបន្ថែមទៀតក្នុងការកាត់បន្ថយភាពក្រីក្រជូនពលរដ្ឋធ្វើអោយមានជីវភាពធូធារបានមួយកម្រឹតថែមទៀត។
នៅក្នុងឱកាសនោះលោក ម៉ឹង សំផន ក៏បានថ្លែងអំណរគុណ ដល់សមាជិកសមាជិកា និងប្រជាពលរដ្ឋទាំងអស់នៅក្រុងបាវិតនិងស្រុកចន្ទ្រា ដែលបានបោះឆ្នោតគាំទ្រគណបក្សប្រជាជនកម្ពុជាឈ្នះយ៉ាងច្រើនភ្លូកទឹកភ្លូកដី ហើយក៏សូមឱ្យសមាជិកសមាជិការបន្តគាំទ្រគណបក្សប្រជាជនកម្ពុជា គ្រប់អាណត្តិបន្តទៀតជាពិសេសគាំទ្រសម្តេចតេជោ ហ៊ុន សែន ធ្វើជានាយករដ្ឋមន្ត្រី។ សូមបញ្ជាក់ថានៅក្នុងសំណេះសំណាលនេះក៏មានពិសារបាយសាមគ្គីមួយពេលយ៉ាងសប្បាយរីករាយផងដែរ។វ៉ៃកូ
